________________
(૧૩) નથી જાઉં નિગોદમાં
(૭- ૮) પ્રત્યેક સાધારણ નામકર્મઃ જુદી જુદી ધર્મશાળાઓમાં આજકાલ બે પ્રકારની ઉતરવાની વ્યવસ્થાઓ જણાય છે. સ્પેશ્યલ રૂમ તથા કોમન રૂમ.
એટેચ - સંડાસ - બાથરુમવાળા સ્પેશ્યલ રૂમના ચાર્જ પણ વિશેષ હોય છે. તેમાં એક ફેમીલી ઉતરે છે. તેને ત્યાં ઘણી સગવડો મળે છે. સલામતી પણ પૂરી સચવાય છે. વધારે પૈસા આપીને પણ શ્રીમંતો ત્યાં ઉતરવા ઈચ્છતા હોય છે.
પણ બધાની શક્તિ તેવા સ્પેશ્યલ રૂમમાં રહેવાની અને તેનું વિશેષ ભાડું ચૂકવવાની હોતી નથી. કેટલાકની તેવી શક્તિ હોવા છતાં બે - ચાર કલાક માટે જ રોકાણ કરવું હોય તો તેઓ ત્યાં ઉતરવા ઈચ્છતા નથી. તે બધા માટે કોમન હોલની વ્યવસ્થા હોય છે. તે હોલમાં જુદા જુદા ગામોના, જુદા જુદા કુટુંબોના જુદા જુદા માણસોને સાથે જ રહેવાનું હોય છે. ત્યાં સતત આવન-જાવન ચાલુ હોય છે. તેનો ચાર્જ હોતો નથી કે ઘણો ઓછો હોય છે. સામાન્ય માણસને પણ પરવડી શકે તેવી આ વ્યવસ્થા છે.
માનવોને ઉતરવા - રહેવા જેમ મકાનની જરૂર પડે છે, તેમ સંસારમાં ફરતા આ આત્માને પણ રહેવા માટે શરીરની જરુર પડે છે. આત્મા માટે શરીર એ ઘર છે. તેમાં તે રહે છે. તેના દ્વારા તે સુખ - દુઃખનો અનુભવ કરે છે. અને આયુષ્ય કર્મ પૂર્ણ થતાં તે શરીરને છોડીને તે આત્મા બીજા શરીરમાં જતો રહે છે. ધર્મશાળામાં તો કેટલું રહેવાય? કાયમ માટે થોડું રહી શકાય?
જેમ ધર્મશાળામાં બે પ્રકારની ઉતરવાની વ્યવસ્થા છે તેમ આત્માને રહેવા માટે બે પ્રકારના શરીરની વ્યવસ્થા છે. (૧) સ્પેશ્યલ અને (૨) કોમન.
કેટલાક આત્માઓ વિશિષ્ટ પુણ્ય બાંધીને આવ્યા હોય છે, તેમની આ પુણ્યની શ્રીમંતાઈથી તેમને એવું શરીર મળે છે કે જેમાં બીજાની કોઈ ઈન્ટરફીયર રહેતી નથી. પોતાની મનસૂબી પ્રમાણે તે જીવી શકે છે. એક શરીરમાં તેણે એકલાએ જ રહેવાનું હોય છે. તે શરીરમાં બીજો કોઈ આત્મા ભાગ પડાવી શકતો નથી. આવું સ્વતંત્ર એક શરીર અપાવનારું જે પુણ્યકર્મ છે, તેનું નામ પ્રત્યેકનામકર્મ છે.
આ પ્રત્યેક નામકર્મના પ્રભાવે તે આત્માને પોતાનું સ્વતંત્ર માલિકીનું શરીર મળે છે. તે શરીરને તે પોતાની રીતે ભોગવી શકે છે. તેની ઉપર બધી રીતે પોતાનો કંટ્રોલ હોય છે. તેને નવડાવવાની – ખવરાવવાની- સાચવવાની બધી જવાબદારી તેની પોતાની કાકા
૮૮ કર્મનું કમ્યુટર ભાગ-૩ માં
