________________
ત્યાં તો કાળા વસ્ત્રોમાં સજ્જ થયેલા ડોસીમાં આવી ગયા. રૂમના દરવાજા બંધ થયા. પતિએ ઢોલક વગાડવાનું શરૂ કર્યું. થા -થા - હૈ – જૈ ના નાચ શરૂ થયા. પત્નીના આનંદનો પાર નથી. પોતાનો વિજય વાવટો ગગનમાં લહેરાતો દેખાવા લાગ્યો. ૧૫૨૦ મિનિટ સુધી નાચ થયા પછી હરખપદુડી બનેલી તે પત્ની પણ ઢોલના તાલે ગાવા લાગી. “દેખ બુઢિયા કા ચાલા! શિર મુંડા, મુંહ કાલા !”
બે-ત્રણ વાર ઉપરની પંક્તિ સાંભળવાથી પતિને બરોબર સમજાઈ ગયું કે, “આ બધા પત્નીના નખરાં છે. તેનું નાટક ચાલે છે. તે મારી માને આ વાક્યોસંભળાવી રહી છે. કાંઈ વાંધો નહિ. હમણા જ તેનો નશો ઉતારી દઉં એટલે એ પણ ગાવા લાગ્યો, - “દેખ બંદે કી ફેરી', મામેરી કે તેરી?”
બે થી ત્રણ વાર પોતાના પતિના મુખે આ વાક્ય સાંભળ્યા પછી પત્ની ચમકી. તેના મનમાં શંકા પડી કે, “આ સામે નાચે છે તે સાસુમા જ છે ને? સગી મા તો નથી ને? પતિ આ શું બોલે છે?
તે તરત ઉભી થઈ. દોડીને તેણે નાચતી સ્ત્રીનો ઘુમટો દૂર કર્યો... અને તેના મોઢાંમાંથી ચીસ નીકળી ગઈ. પોતાની માને નાચતી જોઈને ત્રાસ થયો. “અરરર... આ શું થયું? હું તો સાસુમાને નચાવવા ગઈ અને પરિણામ તો ઉછું આવ્યું. મારી સગી માને નાચવું પડ્યું.' પોક મૂકીને રડવા લાગ્ગ.
પતિએ તેને કહ્યું, “બોલ ! હવે ફરી કદી પણ આવા તોફાન નહિ કરે ને? આ બધા નખરા ચાલુ રાખવા છે કે હવે બંધ કરવા છે? જો હવે સીધી નહિ ચાલે તો મારા જેવો ભુંડો કોઈ નથી હોં ! મારી માને નચાવવા ગઈ તો તારી માને નાચવું પડ્યું. હવે આવો વિચાર ફરી સ્વપ્રમાં ય નહિ કરતી. મારી માની સેવા કરવાની તૈયારી હોય તો છોડું. બોલ ! હવે કેવી રીતે તારે આ ઘરમાં જીવવાનું છે?”
બધો ભાંડો ફુટી જતાં તે માફી માંગવા લાગી. તેની માતાએ પણ તેને ઘણો ઠપકો આપ્યો. “કાયમ માટે સાસુની સારી રીતે સેવા – ભક્તિ કરીશ,' તેવી તેણે કબૂલાત આપી.
આ સ્ત્રીએ પોતાનો સ્વાર્થ સાધવા ભૂતના ચાળા તો ઘણા કર્યા. પણ તે ફાવી. નહિ. કેટલાક લોકો આવા ચાળા પોતાના સ્વાર્થને સાધવા માટે ક્યારેક કરતાં હોય છે, તેમાં અંજાવા જેવું નથી.
ટૂંકમાં, આવા ભૂત-પ્રેત વગેરેના ભવો હોવા છતાં ય જો આપણો આત્મા તેવા ભવ તરીકે જ ઉત્પન્ન થવાનો હોય તો ૧ - ૨ કે ૩ સમયમાં ઉત્પન્ન થઈ જાય છે. આત્માનો તે બીજો ભવ જ ગણાય છે. તે બીજા ભવમાં જતાં વચ્ચેના સમયોમાં વળાંક આપવા આ આનુપૂર્વી નામકર્મનો ઉદય થાય છે.
પ૭ કર્મનું કમ્યુટર ભાગ-૩ માં
