________________
ચાલે છે. મારી માને હલકી પાડવાના બધા પ્રયત્નો છે. ના, મારી માતાની હાલાકી થાય તેવું તો કરાય જ નહિ. હવે તો મારે જ કોઈ રસ્તો કાઢવો પડશે. પત્નીની શાન પણ ઠેકાણે લાવવી પડશે. તેની પાસે જો બુદ્ધિ છે તો મારી પાસે પણ બુદ્ધિ છે. તેને પણ ખ્યાલ આવવો જોઈએ કે શેરને માથે સવા શેર પણ હોય છે. ખૂબ વિચારીને તેણે સુંદર ઉપાય શોધી કાઢયો.
પછી તે પોતાના શહેરમાં ફેરી કરવા ગયો. ફરતા ફરતા તે સાસરે પહોંચ્યો. જમાઈરાજને આવેલા જોઈને સાસુમાએ આવકાર આપ્યો. પોતાની દીકરીના ખબર પૂછયા, વળગાડની અસર ઓછી થઈ કે નહિ? શું ઉપચાર કરો છો ? મારી દીકરી ક્યારે સાજી થશે? વગેરે ઘણા સવાલો પૂછ્યા.
યુવાન ઉદાસીન બની ગયો. મોઢે સોગિયું બનાવ્યું. “જમાઈરાજ કેમ ઉદાસ છો? મારી દીકરીને સારું નહિ થાય? જે હોય તે કહો. જવાબ કેમ આપતા નથી?” માની મમતાએ તેની પાસે એકી સાથે અનેક પ્રશ્નો પૂછાવી દીધા.
યુવાન : તમારી દીકરી ઉપર ભૂતની ગાઢ અસર છે. ઘણા ઉપચારો કર્યા, પણ મેળ જામતો નથી. અનેક ભૂવાઓએ ધૂણી ધખાવી છે. જાતજાતના પ્રયોગો કર્યા છે, પણ સારું થતું નથી. છેલ્લે તે ભૂત તો એક જ વાત કરે છે કે દસ દિવસમાં જાન લઈને જઈશ. હવે હું તેને જીવતી નહિ રહેવા દઉં..
આ સાંભળતાં તો સાસુમાએ પોક મૂકી.. “અરે જમાઈરાજ ! આ શું બોલ્યા? મારી દીકરી વિના હું પણ જીવી નહિ શકું. ના, મારી દીકરી ન જ કરવી જોઈએ ! ઓ... ભગવાન ! મારી દીકરીને મારવા કરતા તું મને મારી દે.” બોલતા બોલતા તેઓ પડી ગયા.
પવન નાંખીને માંડ તેમને ભાનમાં લાવવામાં આવ્યા. યુવાને કહ્યું, “સાંભળો, તમારી દીકરીને દસ દિવસમાં મારી જ નાંખશે એવું નથી.”
હું! શું બોલ્યા? મારી દીકરી દસ દિવસ પછી પણ જીવતી રહેશે ને! હાશ! હવે મને ટાઢક થઈ. પણ તમે તો કહેતા હતા ને કે ભૂત તો કહે છે કે દસ દિવસમાં જાન લઈને જઈશ, તેનું શું?”
“હા, ભૂત તો એ જ વાત કરે છે, પણ મેં બહુ કાકલુદી કરી ત્યારે તેણે એક ઉપાય બતાડ્યો છે. જો તે ઉપાય કરવામાં આવે તો તમારી દીકરી જીવતી રહે એટલું જ નહિ, ભૂત કાયમ માટે તેને મુક્ત કરી દે.”
વાહ, વાહ! બહુ સરસ ! તો જમાઈરાજ ! તે ઉપાય જલ્દી કહી દો. મારી દીકરીને જીવાડો. તે માટે ગમે તેટલા રૂપીયાનો ખર્ચ કરવો પડે તો ય ચિંતા નહિ કરતા. અમે પણ તમારી પડખે જ છીએ હોં!”
છે પ૫ કર્મનું કમ્યુટર ભાગ-૩
