Jambuswami Charitam

Author(s): Ratnaprabhsuri, Hemsagarsuri
Publisher: Dhanjibhai D Zaveri

Page 10

जम्बूचरित्रे
॥ ९ ॥
वि निवसामि ॥ १६ ॥ अन्नं च सव्वसावज्जजोगसंजोगवज्जणुज्जुत्तो। कह सावज्जं भुंजामि, कह व जंपामि तेहिं समं ||१७|| भणियं दढधम्मेणं, सम्मं सद्धम्मनिञ्चलो तं सि । कस्सऽन्नस्स वि एसा, भावारिजए जयपडाया १८ ।। पुण परिहरिया ऽऽहारस्स, निव्वहिस्सइ न भावचरणपि । आहारेणं देहो, धारिज्जइ जेण पडमाणो ॥ १९ ॥ चिरपालियपव्वज्जस्स, जुज्जए जीवियव्वपज्र्ज्जते । आहारपरिच्चाओ, अन्नह स लहिज्जइ न एसो ॥ १२० ॥ जे चिरकालं पालिति, जीवियं संजमेण ते धन्ना । ता निरखजाssहारो, होऊण गमेसु दिवसाई || २१ || अणवज्जवाणिचेट्टाए, चिट्ठ कोणे घरस्स परिक्के । अयमाह इमं मह, निव्बहेइ साहेज्जओ कस्स || २२ || सावज्जणवज्जाई, जाणइ को वयणभत्तपाणाई । ता मे कया निवित्तो, ताण पवित्ती कहं होइ ||२३|| दधम्मो आह अहं, कुमार ! तुब्भाण साहुभूयाण । सीसोव्व सव्वमेत्तो, वेयावच्चं करिस्सामि ॥ २४ ॥ कप्पाकप्पपबंचे, चउ रमई विहरिण समर्थमि। अहमाणिस्सामि विसुद्ध भत्तपाणाणि किं बहुणा ।। २५ ।। कुमरेण होउ एवंति जंपिऊण अभिग्गओ गहिओ । जावज्जीवं छट्टाउ, पारणा अंबिलेणं मे ॥ २६ ॥ एवं सुतिव्वतवकम्मकारिणो पारणंबिलपरस्स । बारसवासाणि अइच्छियाणि गिवासिणो तस्स ॥ २७ ॥ नवजोव्वणावि जं जायजामसीला गिद्दीवि महरिसिणो । ते कम्ममम्म सम्मज्जणुज्जया
ताण नमो ॥ २८ ॥ कयकायपरिचाओ, पंडियमरणेण बंभलोयंमि । दससागरोवमाऊ सामाणियसुरवरो जाओ ॥ २९ ॥ नामेण विज्जुमाली, जुइमाली अमरसुंदरीसाली । जिणसामिसमोसरणे, सुदेसणाओ सया सुणइ ॥ १३० ॥ उवभुंजिऊण भोगे, दिव्वे चवि नियाऽऽउपज्जते । जह रायगिहे जाओ, इब्भसुओ सो तहा कहिमो ॥ ३१ ॥ रायगिहे नयरे उसभदत्त इन्भो अहेसि गुणगरुओ । तस्सासि पिया सुइसीलधारिणी धारिणी नाम ।। ३२ ।। जिणधम्मधुराधारण - धुरीणि चित्ताणि ताणि त(म्मं)पंति । निरवच्चयाणि अइचंगअंगअंगुब्भवस्स कए ।। ३३ ।। भणियं धारिणीए को नाम, रुवगवो सोहग्गमडप्फरो व को तासि । को वा सुहासिया, कामिणीण जासिं सुओ नत्थि ॥ ३४ ॥ वेभारपव्त्रयासन्न -काणणे कामकोहमोहहरो । पंचमगणहारी हारहीरासोवास जसो ॥ ३५ ॥ तरुणतरणि व्त्र तेएण, भव्त्रअंभोरुहाई भासतो । अह अन्नहा कयाई, सुहम्मसामी समोसरिओ
कुमारस्याहारप्रहणाय
प्रज्ञापनं घो राभिग्रहश्च ।
॥९॥