________________
૮૮-અાહરણ......ભcગ-૩
વિચારો કે દયાળુઓની દયાળુતા અને ઉદારોની ઉદારતા કેવી અનુપમ હોય છે ! આવી દયાળુતા અને આવી ઉદારતા ગમે તેવા આત્મામાં પણ ધાર્યું પરિવર્તન કરે એમાં આશ્ચર્ય પણ શું છે ? આંગણે આવનારાઓને ધમકાવીને કાઢનારાઓએ આ પ્રસંગ ખૂબ જ વિચારવા યોગ્ય છે. આંગણે આવેલાને આવું આશ્વાસન ત્યારે જ આપી શકાય તેમ છે કે જ્યારે હદયમાં સાચી દયાળુતા અને સાચી ઉદારતા જન્મ પામે. સાચી દયાળુતા અને ઉદારતા આવ્યા વિના આવું આશ્વાસન આપવા જેવું હદય બની શકતું જ નથી. ધન્ય હો આવા ઉદાર અને દયાળુ આત્માઓને ! કારણકે આવા દયાળુઓ અને ઉદારચિત્ત આત્માઓ પ્રભુશાસનને ખૂબ જ ઉજાળે છે. પ્રભુશાસનની સુંદરમાં સુંદર પ્રભાવના આવા જ આત્માઓથી શક્ય છે. | શ્રી લક્ષ્મણજીની દયાળુતા અને ઉદારતાથી ભરેલા આશ્વાસનથી કપિલની ભીતિ જ ભાગી ગઈ. નાસી છૂટવાની મનોવૃત્તિવાળો બની ગયેલો કપિલ એકદમ શાંત અને સ્થિર થઈ ગયો. એના હૃદયમાં ખાત્રી થઈ ગઈ કે મારા જેવા અપકારીને પણ આ સ્થાનમાં ભય નથી.
આવા પ્રકારની ખાત્રી થવાથી કપિલે શું કર્યું, ततोऽपशंकः कपिलो, गत्वा रामाय चाशिषम् । ढत्वोपाविशदयेच, गुड्यकैरपितासने ॥१॥
શંકારહિત બની ગયેલ તે કપિલ, શ્રી રામચંદ્રજીની પાસે જઈને શ્રી રામચંદ્રજીને આશીર્વાદ આપીને આગળ યક્ષોએ આપેલ આસન ઉપર બેઠો.
આવેલો બ્રાહ્મણ કોણ છે અને ક્યાંથી આવેલો છે ? એ જાણવા શ્રી રામચંદ્રજીએ પોતાની સામે આવીને બેઠેલા કપિલને કોમળ શબ્દોમાં પ્રશ્ન કર્યો કે,
'कुतस्त्वमागतोऽसि'
તું ક્યાંથી આવેલો છે ?” આ પ્રમાણે શ્રી રામચંદ્રજી દ્વારા પૂછાયેલા તે કપિલે પોતાના અપરાધનો એકરાર કરતાં ઉત્તર આપતાં કહ્યું કે,
E..
