________________
૧૩૧
ઉત્તમ સામગ્રીને સફળ કરવા શું કરવું જોઈએ ? જુઓ કે આત્મા ક્યાંથી ક્યાં અને ક્યાંથી ક્યાં ભમે છે? વસુભૂતિનો જીવ બાહ્મણમાંથી મ્લેચ્છ થયો તે પછ પાપકર્મના યોગે અનેક ભવોમાં રખડ્યો. એ રખડતાં રખડતાં કોઈક પુગ્યયોગે મનુષ્ય જન્મને પામ્યો, પણ એ ભવમાંય તે તાપસ થયો, આથી સમજી શકાશે કે દુર્લભ મનુષ્યભવ આદિ ઉત્તમ સામગ્રી પામવા માત્રથી જ પોતાનું અહોભાગ્ય માની લેવાય નહિ, જરૂર. એ ઉત્તમ એવી સામગ્રીની પ્રાપ્તિ થઈ એ અહોભાગ્યની નિશાની છે, પરંતુ એ સામગ્રીની વાસ્તવિક સફળતા તો ત્યારે જ ગણાય કે જ્યારે એ સામગ્રી દ્વારા આત્માના ભવભ્રમણને કાપવાર ધર્મની આરાધના કરાય ! ઉત્તમને પૌષ્ટિક રસોઈ પણ ખાધા વિના સ્વાદ અને પચાવ્યા વિના પુષ્ટિ આપી શક્તી નથી.
અનેક ભવોમાં ભમતાં કોઈ અપૂર્વ પુણ્યસંયોગથી જ આ ઉત્તમ માનવભવ મળી જાય છે. માટે એને પામવારે અને એની સાથે છે સુદેવ, સુગુરુઅને સુધર્મની ઉત્તમ પ્રકારે આરાધના કરી શકાય એવી સામગ્રી પામનારે શું કરવું જોઈએ ? તમે માત્ર આ મળવાથી જ પોતાને ભાગ્યશાળી માની લો તેથી શું વળે ? જે મળ્યું તેને સાધો, અર્થાત્ તે દ્વારા સુદેવ, સુગુરુ અને સુધર્મની જે આરાધના થવી જોઈએ તે કરો. ત્યારે જ ઉત્તમ ભાગ્યશાળીતા તમે પામ્યા છો, એમ કહેવાય, અને સાથે સાથે એમ પણ કહેવાય કે, તમે પમાયેલી ઉત્તમ સામગ્રી દ્વારા સર્વોત્તમ સિદ્ધિપદના સાધકો છો. આ દશા ન આવે તો સમજવું જોઈએ કે મહામહેનતે મેળવેલો આ મનુષ્યભવ આયુષ્ય હોય ત્યાં સુધી ભોગવીને પાછો ચોરાશી લાખ જીવયોનિના ફેરામાં ભમવાને ચાલ્યા જવાનું છે. આપણે ન ઇચ્છીએ, ન માનીએ કે ન કહીએ, એથી કાંઈ મળેલી આ ઉત્તમ સામગ્રીનો આપણે જેટલો દુરુપયોગ કરીશું તેનું ફળ આપણને મળ્યા વિના રહેવાનું નથી. માટે ઉત્તમ સામગ્રીને સફળ કરવાને ઇચ્છનારા સૌ કોઈએ એ સામગ્રી દ્વારા યશાશક્તિ સુદેવ, સુગુરુ સુધર્મની આરાધનામાં રક્ત થવું યોગ્ય છે.
કરમન કી ગત ન્યારી...૬
