________________
કરનારા મહાદયાવાન પુરુષોને રાજાને હણવા આવનાર તરીકે ઓળખાવે છે. અને વધુમાં જાતે જ રાજાને ખાત્રી કરવાનું કહે છે. કારણકે, આવું તર્કટી વર્તન કરી શકાય, એ માટે તો તેણે પહેલેથી જ ત્યાં શસ્ત્રો દટાવી રાખ્યાં છે. “આપ ભલા તો જગ ભલા' એ કહેવત પણ આવા દુર્જનોને તો અપવાદ રૂપે દૂર જ રાખે છે. દુર્જનોનો તો સ્વભાવ જ પ્રાય: એવો હોય છે કે, તેઓ ભલા જોડે ભૂંડા થાય. કારણકે ભલા જોડે ભૂંડા થનારને સામાની ભલમનસાઈનો લાભ મળી જાય ખરો ને ?
આવા સપુરુષોને માથે પણ ક્વા ભયંકર કલંક આવ્યા છે. જ્યારે ચોથા આરામાં આવી રીતે મહાપુરુષોને માથે લંક ઓઢાડનારા હતા. તો આ કાળનું પૂછવું જ શું? તે વખતે તો ખુદ શ્રી તીર્થકરદેવ વિચરતા હતા, છતાં પણ આવું બન્યું ને ? આમ થવાનું કારણ શું? માટે સમજો કે મહાપુરુષોને માથે પણ કલંક આવી જાય. કલંક આવે એવું કાંઈ ન કર્યું હોય, તો પણ કલંક આવી જાય, એ બનવાજોગ છે. કારણકે આ ભવની કરણીનું જ ફળ અહીં ભોગવાય છે એમ નથી. પૂર્વના પાપે પણ કલંક આવી જાય. પૂર્વભવમાં જે પાપ આચરાયું હોય, તેનું ફળ ભોગવવું પડે કે નહિ ? મહાપુરુષ જાણીને પાપ, કંઈ શરમ ન રાખે.
આજે કેટલાક એવા ભોળા માણસો છે કે, જેઓ દુર્જનો તરફથી સપુરુષો ઉપર થતા ખોટા આક્ષેપોથી ગભરાઈ જાય છે, પણ તેઓ દુર્જનોના સ્વભાવને જો સમજે તો એમ બને નહિ. દુર્જનો પોતાની દુર્જન પ્રવૃત્તિને ટકાવવા માટે સજ્જનો ઉપર અનેક પ્રકારનાં હીંચકારા આક્રમણો કરતાં શરમાતાં નથી. તેઓની પાસે નથી હોતું ચારિત્રનું બળ કે નથી હોતું સુયુક્તિઓનું કૌવત, એટલે તેઓ પ્રાય: સપુરુષો ઉપર ખોટાં દોષારોપણ કરવામાં જ પોતાની શક્તિ ખર્ચે છે. તેઓમાં પોતાની પ્રતિષ્ઠા જમાવવાની શક્તિ નથી. તેઓની જીવનદશા એવી નથી કે જેથી તેઓ ક્વતાને વિશ્વાસમાં લઈ શકે
રાજા દંડક દંડકારણ્ય જટાયુપક્ષી..૦
