________________
(૨૭૨
...સીતા-અયહરણ......ભાગ-૩
રીતે મારા પતિને મારાથી દૂર ખસેડીને, દુષ્ટ ઘનતવાળા આ રાક્ષસે એટલે કે શ્રી રાવણે પોતાના વધને માટે જ મારું હરણ કર્યું. આ પ્રમાણે શ્રીમતી સીતાદેવીએ ટૂંકમાં બધી હકીક્ત શ્રી રાવણના નાના ભાઈ બિભીષણને જણાવી.
શ્રી બિભીષણ અને શ્રી રાવણ વચ્ચે વાતચીત શ્રીમતી સીતાદેવીએ કહેલા ટૂંક વૃત્તાંતને સાંભળ્યા પછી, શ્રી રાવણને નમસ્કાર કરીને શ્રી બિભીષણે કહ્યું કે “હે સ્વામિન્! આપના વડે આ કાર્ય કુળને દૂષણરૂપ કરાયું છે, હજુ પણ જ્યાં સુધીમાં પોતાના નાના બંધુ લક્ષ્મણની સાથે રામ આપણને હણવાને માટે આવે નહિ, ત્યાં સુધીમાં શ્રીમતી સીતાને લઈને સત્વરે તેમની પાસે મૂકી આવો.” બિભીષણે આમ કહ્યું એટલે ક્રોધથી લાલ થઈ છે આંખો જેની એવા શ્રી રાવણ કહે છે કે, ‘હે કાયર ! આ તું શું બોલે છે ? મારા પરાક્રમને શું તું ભૂલી ગયો ? શ્રીમતી સીતા મારી પ્રાર્થનાને વશ થઈને માની જશે એટલે અવશ્ય તે મારી પત્ની થશે અને આવેલા રાંક એવા તે બંને રામ લક્ષ્મણને હું હણી નાંખીશ.”
શ્રી રાવણે જ્યારે આવો ઉત્તર આપ્યો એટલે બિભીષણે પણ સામે નિરાશ થઈને કહ્યું કે, “હે ભાઈ ! જ્ઞાનીનું તે વચન સત્ય છે કે રામપત્ની શ્રીમતી સીતા માટે આપણા કુળનો નાશ થવાનો છે. અન્યથા, આપના ભક્ત બંધુ એવા મારું વચન આપ કેમ ન માનો ? વળી જો તેમ થવાનું ન હોત તો મારા વડે હણાયેલ દશરથ જીવિત કેમ હોય ? હે મહાભુજ ! જો કે ભાવિ વસ્તુ અન્યથા થવાની નથી. તો પણ હું તમને ભક્તિપૂર્વક પ્રાર્થના કરું છું કે આપણા કુળની ઘાતિની એવી આ શ્રીમતી સીતાને આપ છોડો.”
જોયું ? શ્રી બિભીષણે એટલું સ્પષ્ટ રીતે કહી દીધું કે, આપનું આ કાર્ય આપણા કુળને દૂષણ લગાડનારું છે અને આ પછીથી જ્ઞાનીએ કહેલા શ્રીમતી સીતાદેવીને માટે કુળક્ષય થવાના વચનની
