________________
રક્ષાની ભાવના વિનાની આરાધના
નકામી છે.
પ. શ્રી રામચન્દ્રજી આદિ ક્ષેમાંજલિ નગરીએ આવ્યાં, ત્યાં થતી ઉદ્ઘોષણા સાંભળીને શ્રી લક્ષ્મણજી શત્રુદમનની રાજસભામાં ગયાં, ત્યાં પણ વિચિત્ર ઘટના બની. ત્યાંથી શ્રી રામચન્દ્રજી આદિ વંશસ્થળ નગરની પાસે પહોંચ્યાં. ત્યાંના ભયભીત રાજા-પ્રજા પાસેથી ભયનું કારણ જાણીને વંશસ્થલ પર્વત ઉપર ચઢયા.
ત્યાં શ્રી કુલભૂષણ અને દેશભૂષણ મુનિવરોનાં દર્શન થતાં શ્રી રામચન્દ્રજી આદિએ મુનિવરોની વિશિષ્ટ પ્રકારે ગીતનૃત્યાદિપૂર્વક ભક્તિ કરી. બલભદ્ર અને વાસુદેવની કક્ષાના મહાનુભાવો મુનિભક્તિમાં પોતાની શક્તિને સાર્થક સમજે છે. પણ માત્ર ભક્તિ આરાધનાથી સંતુષ્ટ નથી, તે મહાત્માઓ ઉપર ઉપદ્રવ લઈને આવેલા વેતાલો આદિની સામે યુદ્ધ કરીને મુનિવરોની રક્ષા પણ તેઓએ કરી.
છતી શક્તિએ રક્ષાના અવસરે ભાગી જનારા આરાધનાને વગોવરાવે છે. અહીં પ્રસંગોપાત વાલીમુનિવરનો પ્રસંગ ફરી વર્ણવાયો છે.
શ્રી
