________________
"श्रीदशाश्रुतस्कंधे भिक्षु-प्रतिमा-अध्ययनम्-७ .
तत्येव जलंसि वा थलंसि वा दुग्गंसि वा निण्णंसि वा पव्वतंसि वा विसमंसि वा गड्डाए वा दरीए वा कप्पइ से तं रयणी तत्थेव 'उवातिणावित्तए, नो से कप्पइ पदमवि गमित्तए, कप्पति से कल्लं पाउप्पभाए रयणीए जाव जलंते पाईणाभिमुहस्स वा पईणाभिमुहस्स वा दाहिणाभिमुहस्स वा उत्तराभिमुहस्स वा अधारियं रीएत्तए ।
मासियं (णं भिक्खुपडिमं पडिवन्नस्स) णो से कप्पति अणंतरहिताए पुढवीए निद्दाइत्तए वा पयलायइत्तए वा, केवली बूया आदाणमेयं, से तत्य निद्दायमाणे वा पयलायमाणे वा हत्थेहिं भूमिं परामुसेज्जा, अधाविधिमेव ट्ठाणं ठाइत्तए, उच्चारपासवणेणं 'उब्बाहिज्जा नो से कप्पइ उगिण्हित्तए वा। कप्पति से पुनपडिलेहिए थंडिले उच्चारपासवणं परिट्ठवित्तए तमेव उवस्सयं आगम्म अहाविहि ठाणं ठावित्तए ।
__ मासियं (णं भिक्खुपडिमं पडिवनस्स) नो कप्पति ससरक्खेणं कारणं गाहावति-कुलं भत्तए वा पाणए वा निक्खमित्तए वा पविसित्तए वा । अह पुण एवं जाणेज्जा ससरक्खे सेअत्ताए वा जल्लताए वा मल्लत्ताए वा पंकताए वा विद्धत्थे से कप्पति गाहावतिकुलं भत्तए वा पाणए वा निक्खमित्तए वा पविसत्तए वा ।
मासियं (णं भिक्षुपडिमं पडिवनस्स) नो कप्पति सीओदय-वियडेण वा उसिणोदय-वियडेण वा हत्थाणि वा पादाणि वा दंताणि वा अच्छिणि वा मुहं वा उच्छोलित्तए वा पधोइत्तए वा णण्णत्थ लेवालेवेण वा भत्तामासेण वा ।
___ मासियं (णं भिक्खुपडिमं पडिवनस्स) नो कप्पति आसस्स वा हत्थिस्स वा गोणस्स वा महिसस्स वा वग्घस्स वा वगस्स वा दीवियस्स वा अच्छस्स वा तरच्छस्स वा परासरस्स वा सीयालस्स वा विरालस्स वा 'केकित्तियस्स वा ससगस्स वा 'चिक्खलस्स वा सुणगस्स वा कोलसुणगस्स वा दुट्ठस्स वा आवडमाणस्स पदमवि पच्चोसक्कित्तए । अदुट्ठस्स आवडमाणस्स कप्पति जुगमित्तं पच्चोसक्कित्तए ।
मासियं (णं भिक्खुपडिमं पडिवन्नस्स) कप्पति छायातो सीयंति नो उण्हं इत्तए, उण्हातो उण्हति नो छायं एत्तए, जं जत्थ जया सिया तं तत्थ अधियासए । एवं खलु एसा मासिया भिक्खुपडिमा अधासुत्तं अधाकप्पं अधा१. गमयितुम् । २. उद्धाध्येत । ३. स्वेदतया । ४. आमृष्टं लग्नं भोजनं । ५. कोकंतियस्स' संभाव्यते लोमटिरूपस्य आचाराङ्गादौ तथा दर्शनात् । ६. 'चित्तगस्स' 'चिल्ललस्स' 'चित्तलस्स' वा संभाव्यते । ఉంటపండిండియుండటం ఆం ఉంటుంంంంంంంంంం
