Dashashrut Skandh Granth

Author(s): Kulchandrasuri, Abhaychandravijay
Publisher: Jain Shwetambar Murtipujak Sangh

Page 162

निदानमनालोच्य कालं कृत्वा देवीभूय मनुष्यभवे केवलि - प्रज्ञप्त-धर्म-श्रवणेऽयोग्यो जायते । निदानफलम् । भगवान् साधु-साध्वी - रामन्त्र्य वदति । भो श्रेणिकं चेल्लणां च दृष्ट्वा किं भवतां निदान स्वरुप- संकल्प उत्पन्नोऽस्ति ?
माणुस्सगाइं भोगभोगाइ भुंजमाणे विहरति ।
तस्स णं एगमवि आणवेमाणस्स जाव चत्तारि पंच अवुत्ता चेव अब्भुट्ठेति । भण देवाणुप्पिया किं किं करेमो ? किं आहरामो ? किं उवणेमो ? किं चेट्ठामो ?, किं भे हितं इच्छितं ? किं मे आसगस्स सदति ?
जं पासित्ता निग्गंथे निदाणं करेति । जइ इमस्स तवनियमबंभचेरवासस्स तं चेव जाव साहू । एवं खलु समणाउसो निग्गंथे निदाणं किच्चा तस्स द्वाणस्स अणालोइयऽपडिक्कंते कालमासे कालं किच्चा अण्णतरेसु देवलोगेसु देवत्ताए उववत्तारो भवंति महिडिएसु जाव चिरद्वितीएसु ।
तत्थ देवे भवति महड्डिए चिरट्ठिए । ततो देवलोगातो आउखतेणं द्वितिखतेणं अणंतरं चयं चइत्ता जे इमे उग्गपुत्ता महामाउया भोगपुत्ता महामाउया तेसिं णं अण्णतरंसि कुलंसि पुत्तत्ताए पच्चायाति ।
सेणं तत्थ दारए भवति सुकुमालपाणिपाए जाव सुरूवे, तए णं से दारए उम्मुक्कबालभावे विण्णायपरिणयमित्ते जोव्वणुगमणुपत्ते सयमेव पेइयं दायं पडिवज्जति । तस्स णं अतिजायमाणस्स वा पुरओ जाव महं दासी दास जाव किं ते आसगस्स सदति ?
तस्स णं तहप्पगारस्स पुरिसजातस्स तहारूवे समणे वा माहणे वा उभओ कालं केवलिपन्नत्तं धम्ममाइक्खेज्जा ? हंता आइक्खेज्जा, से णं पडणेज्जा ? नो इणट्ठे समत्थे, अभविए णं से तस्स धम्मस्स सवणयाए । सेय भवइ महिच्छे महारंभ महापरिग्गहे अहाम्मिए जाव दाहिणगामी नेरइय आगमिस्साणं दुल्लहबोहिए यावि भवइ, तं एवं खलु समणाउसो तस्स णिदणस्स इमेतारूवे फलविवागे जं णो संचाएति केवलिपन्नत्तं धम्मं पडिणित्ते ||१||
एवं खलु समणाउसो मए धम्मे पन्नत्ते इणमेव निग्गंथे पावयणे जाव सव्वदुक्खाणं अंतं करेति । जस्स णं धम्मस्स निग्गंथी सिक्खाए उवट्ठिया विहरमाणी पुरा दिगिंच्छाए उदिन्नकामजाया विहरेज्जा सा य परक्कमेज्जा, साय परक्कम्ममाणी पासेज्जा से जा इमा इत्थिया भवति एगा एगजाया एगाभरण-पिहाणा 'तेल्लकेलाइ व सुसंगोप्पिता 'तेल्लपेलाइ व सुसंपरिग्गहिया रयणकरंडग-समाणा तीसे णं अतिजायमाणीए वा निज्जायमाणीए वा पुरतो १. तैलभाजनानि ।
१२९