________________ વિમળશાહ કહે, “મારે આબૂ પર જિનમંદિર બનાવવું છે. એમાં સહાયતાં જોઈએ છે ને શ્રાવિકાને પુત્ર જોઈએ છે, એ આપો.” દેવી કહે, “તમારા ભાગ્યમાં એ બંને નથી. બેમાંથી ગમે તે એક જોઈએ તે માગી લો.” વિમળશાહ કહે કે, “ઊભા રહો, હું પૂછી આવું.” ઘરની અંદર જઈ શ્રાવિકાને કહે, “બોલો દેવી પધાર્યા છે. એ કહે છે, “કાં પુત્ર, કાં પ્રસાદ, બેમાંથી એક મળશે. તો દીકરો માંગુ ? કે દેરાસર ?' શ્રાવિકા કહે, “એમાં શું પૂછવા આવ્યા? દેરાસર જમાગી લેવાનું.” (1) દીકરો થોડો જ સાથે આવવાનો છે ? કે (2) અહીં એ પણ કાયમ થોડો રહેવાનો છે ? (3) દીકરો આપણું નામ પણ કેટલું રાખી શકે? બે પેઢી. ત્રીજી પેઢીએ આપણું નામ કેન્સલ! તેમ એ પણ જોવા જેવું છે કે, (4) દીકરો મળ્યાથી એ કેવો નીવડશે એનું પણ શું કહી શકાય ? જો ખરાબ નીવડે તો એનાથી આપણી જ આબરૂ જાય ! માટે આપણે દીકરો કાંઈ જોઈતો નથી. દેરાસર જ માંગી લો. દેરાસર સેંકડો વર્ષ ટકે એટલે નામ એટલું ટકે અને દેરાસરથી હજારો માણસ દર્શનવંદન-પૂજન તથા વ્રતગ્રહણ વગેરે ધર્મ લેતા જ રહે, લેતા જ રહે, ને પુણ્ય કમાતા રહે. આ બધાનાં નિમિત્ત થવાનો આપણને મહાન લાભ મળે ! ને પુણ્ય મળ્યા જ કરે. દેરાસર તો એક મૂડી થઈ, એમાંથી આપણને ભવોભવ વ્યાજ મળ્યા જ કરે. આવા સરસ લાભને જોઈ દેરાસર જ માંગી લો.” પછી મંત્રીએ એજ માગી લીધું અને પછી દેરાસર બાંધવા માટે આબુ પર જમીન જોઈએ. તો બ્રાહ્મણો ઝગડવા લાગ્યા. ત્યારે વિમળશાહ કહે - તમારે કેટલા પૈસા જોઈએ ? અનોખો વાર્તાસંગ્રહ)
