________________ વળતર ક્યાં ? પાપના ભાર ઓછા કરવાનું આવા મહાન યાત્રા સંઘ જેવા સુકૃત કર્યા વિના શું થાય ? માટે હવે એ કરવાનું નક્કી કરું.” ઘરે આવીને પત્નીને પોતાની શુભ ભાવના દર્શાવી. પત્ની કહે, ધન્ય ભાગ્ય ! મારા મનને તો કેટલાય વરસોથી મનમાં આ આવતું હતું, તે તમે આજે સફળ કરવાનો વિચાર કર્યો. બહુ સારો વિચાર. જરૂરતીર્થાધિરાજ સિદ્ધગિરિનો સંઘ કાઢો, આચાર્ય મહારાજને વિનંતી કરી આવો કે પરિવાર સાથે તેઓશ્રી પણ પધારે. ખર્ચ સામે જોશો નહિ. જેટલા વધુ યાત્રિકો લઈ જવાય એટલું મહાપુણ્ય કમાઈ લેવાનો આ સોનેરી અવસર છે. તમને આ ઉત્તમ ભાવના થઈ હું તમારા ઓવારણાં લઉં છું.” બસ, સુખલાલ તરત જ ઊપડ્યો આચાર્ય મહારાજ પાસે, પોતાની ભાવના બતાવીને વિનંતી કરે છે, “પ્રભુ ! મારી સિદ્ધાચલજીનો સંઘ કાઢવાની ભાવના છે. આપ પરિવાર સાથે પધારો સંઘમાં; આપશ્રીની નિશ્રામાં સંઘને રોજ ને રોજ ધર્મની નવનવી પ્રેરણા મળે. મને આ મહાન સુકૃત કરાવો.” આચાર્ય મહારાજે થોડા જ દિવસમાં એનો આટલો બધો પલટો જોઈ એને ધન્યવાદ આપ્યા અને સંઘની વાત વધાવી લીધી. બસ, હવે તો સુખલાલ શેઠે નગરના સંઘ આગળ વાત મૂકી, બધાએ એને અભિનંદન આપ્યા, વ્યવસ્થા થઈ ગઈ અને સારા મુહૂર્ત આચાર્ય મહારાજની નિશ્રામાં યાત્રા સંઘનું પ્રયાણ થયું. યાત્રા સંઘમાં ઉપદેશ : ગિરિરાજ તરફ યાત્રાસંઘ ચાલ્યો જાય છે અને આચાર્ય મહારાજ રોજ ને રોજ વ્યાખ્યાનમાં શત્રુંજય માહાભ્ય સંભળાવવા સાથે જીવનને સ્વ-પર માટે મંગળમય બનાવનાર મંદિર-જીર્ણોદ્ધાર પરમાત્મભક્તિ અર્થે વિવિધ સાધનોનું દાન, પોષધશાળા નિર્માણ, સાધર્મિક ઉદ્ધાર, શત્રુંજય તીર્થ ભેટ્યાની કદરદાની -- સુખલાલ શેઠનું દષ્ટાંત 121
