________________ પધાર્યા છે. શ્રાવિકા જઈને એમને શ્રાવકની પરિસ્થિતિ કહી એમને બુઝવવા વિનંતી કરે છે. આચાર્ય મહારાજે કહ્યું, “એમને એમ કહેજો કે મહારાજને ખાસ કામ છે તેથી તમને યાદ કર્યા છે. એટલે જાઓ એમનું કામ પૂછી કરી આપો. આમ કહેશો એટલે એ કદાચ અમારી પાસે આવશે. પછી અમે જોઈ લઈશું.” શ્રાવિકા કહે, “ભલે !' એમ કહી ઘરે પતિને એ પ્રમાણે કહી કહ્યું, “મહારાજ સાહેબનું કામ કરવું પડે, માટે જઈ આવો.” સુખલાલ શેઠને અત્યાર સુધી આવો પ્રસંગ આવ્યો નહોતો ને આજે આ વાત આવી છે એટલે મનને થયું કે, “લાવ, જોઉં શું કામ છે? બની શકે એવું હોય તો પતાવી આપું.' શેઠ ગયા મહારાજ પાસે જઈને વંદના કરીને બેઠા અને પૂછ્યું, મને યાદ કર્યો હતો? ફરમાવો શું કામ છે.” આચાર્ય શેઠને કામ ભળાવે છે : - આચાર્ય મહારાજ ઓઘાની ડાંડી બતાવી કહે છે, “આ અમારી ડાંડી તમારે સાચવી રાખવાની છે અને આવતા ભવમાં અમને પહોંચાડવાની છે. જોજો આ વહોરેલો માલ છે એટલે બદલાઈ જાય નહિ. તમારે તો પરભવે ઘણો માલ લઈ જવાનો હોય તેથી સંભવ છે એમાં આની ફેરબદલી થઈ જાય માટે આને ખાસ કપડામાં લપેટી ઉપર અમારું નામ લખી રાખશો તો બદલાઈ નહિ જાય.' સુખલાલના મનને એમ થયું કે, “આ મહારાજ કેવી પાગલ જેવી વાત કરે છે !' એ કહે છે, “મહારાજ સાહેબ ! એ કેમ બને? પરભવે એ કેમ લઈ જઈ શકાય ? મહારાજ કહે “એમાં શું છે? તમે તમારો એટલો બધો માલ લઈ જશો તો એમાં આટલી લાકડી લઈ જવી ભારે નહિ પડે.” શેઠ કહે, “અરે મહારાજ !મારી આખી માલ-મિલકતનો ઢગલો શું, હાથે પહેરેલી એક વાલની વીંટી ય પરલોકમાં લઈ જઈ શકાવાની 116 અનોખો વાર્તાસંગ્રહો
