________________ ત્યાં ઉપરથી સાધુ ઊતરે છે. સાધુએ શેઠને ઓળખ્યા, ઓળખે જ ને ? દેવગુરુ ધર્મ ત્રણેયનું ય ખૂબ કરેલું ! પૂછ્યું, “આમ કેમ ?' શું જોઈને ? માલણ સાથેની રકઝક અને તદ્દન સામાન્ય કપડાં જોઈને. લાલ કસુંબલ પાઘડી અને જરીઆન ખેસને બદલે મેલાંઘેલાં કપડાં જુએ એટલે વિચાર તો આવે. મીઠાં મરચાંનો થેલો કરનારાં પૂજાના કપડાં કેવાં હોય ! ભલે ચાલુ પહેરવા કરતાં સારા ચોખ્ખા, પણ સામાન્ય ને ? મુનિએ જે પૂછ્યું, “આમ કેમ ?' તેના ઉત્તરમાં શેઠે કહ્યું, “ભગવન્! ધર્મ સિવાય તો આપ પૂછો નહિ અને ધર્મની વાતમાં તો મને ઘણો આનંદ છે. પહેલાં જંજાળ હતી એટલે સુખે સામાયિક પડિકકમણું નહોતો કરી શકતો. મેં જ ચારેકોરે ફોલી ખાનારા ઊભા કરી ગોઠવ્યા હતા, ત્યાં મને શું જપ ?' જુઓ પૂર્વનો વૈભવ યાદ નથી આવતો પણ પૂર્વની ધર્મબાધક ઉપાધિ યાદ આવે છે. કેળવો આત્માને એ વિચારીને કે, “ધારીએ તો મન કેટલું મોટું કરી શકીએ ?' આ શેઠ છોકરાઓને ફોલી ખાનારા કહે છે. ઘરમાં બારણાં કે ગટરો ઉઘાડી રાખી ઉંદરો વધારી દેવાય પછી ફોલી ન ખાય ? ઘડીકમાં આ હાથે-ઘડીકમાં પેલા હાથે, જે જીવો જગતને બહુ માને છે. “મારા દીકરા ! એની વહુઓ ! વળી એનાં દીકરા ! ઓહો ! ઘર ભર્યું ભર્યું !' પણ એને ખબર નથી કે એ બધા પ્રતિસમયે ફોલી ખાય છે. કોઈ કહે છે, “કંઠી લાવો.' તો કોઈ કહે છે, “કાંટો લાવો.” કોણે એમ પૂછ્યું કે, “તમે તમારે મંદિર ઉપાશ્રયે જાઓ. તમે અમારી જંજાળ બહુ કરી હવે અમારે તમારી કરવાની. બસ ધર્મ વધારે વધારે કરો છે કોઈ આ કહેનાર ? ના વેઠ કરાવનાર ને ફોલી ખાનારા છે. જાતનું સુધારો આગળ લેખે લાગશે ? શેઠ મુનિને હજુ આગળ કહે છે, “હવે શાંતિ છે. સામાયિકમાં બેસું છું ત્યારે મને ચક્રવર્તીની નહિ પણ ઇન્દ્રની દયા આવે છે કે બિચારાને વિરતિધર્મનો કેવો અંતરાય ! ગમે તેવા સારા માનેલા ઋદ્ધિ ઠકુરાઈના સંયોગ, પણ આયુષ્યની દોરીને તો ઘસાવી જ નાખવાનાને ? જીવન ધર્મ પર અતૂટ શ્રદ્ધા - ધર્મી શેઠનું દષ્ટાંત 55
