________________ હે પ્રાણ ! તમે મને છોડીને કેમ જતા નથી. જાઓ છોડો મને, ચનત ત્યાતિપ્રા: એટલું બોલતાં જમાઘ કવિનાપ્રાણ છૂટી ગયા, આંગણામાં જ એ ઢળી પડ્યો. આવા દાની કેટલા નીકળે? ભલે થોડા પણ આવા જ પૂર્વપુરુષો એ ઉત્તમ આદર્શ તરીકે ગણાય અને ઉત્તમ બનવા ઇચ્છનારે આવાને જ જીવનમાં આદર્શ તરીકે રખાય. (2) આભડ મંત્રીની અદભુત દાનવીરતા : જુઓ અદ્ભુત આદર્શ દાનવીર આભડ મંત્રીની ઉત્તમતા. આભડ મંત્રી કુમારપાળના મોટાં દુશ્મન રાજાને જીતીને આવ્યા અને કરોડોની સંપત્તિ લાવીને કુમારપાળ મહારાજા પાસે રજૂ કરી અને અભુત જીતનું ખ્યાન આપી કહ્યું, “મહારાજા ! આપનો પ્રભાવ અને આપણી પુણ્યાઈ જયજ્યવંતી છે. એટલે જ કઠિન પણ વિજય સરળ બની ગયો.” મહારાજા કુમારપાળે આભડને ઇનામમાં લાખો રૂપિયાની સંપત્તિ આપી. પછી હાથી, ઘોડા, સોનૈયા વગેરેની સંપત્તિ લઈને આભડ મંત્રી રાજદરબારથી જેવા બહાર નીકળ્યા કે તરત યાચકો આભડ મંત્રીની વિજયગાથા અને દાનવીરતાના ગુણ ગાતાં ગાતાં દાન માંગવા લાગ્યા તો આભડ મંત્રી એક મિનિટ થોભ્યા વિના મોટા મોટા દાન દેતા ચાલ્યા. હાથી માંગ્યો તો હાથી આપી દીધો, ઘોડો માંગ્યો તો ઘોડો આપી દીધો અને સોનૈયા માગ્યા તો સોનૈયા આપી દીધા, એમ કરતાં કરતાં ઘરે પહોંચતા સુધીમાં ઇનામની સમગ્ર સંપત્તિ દાનમાં દઈ દીધી. એકી કલમે કેટલું બધું દાન ! મનને જરાય વિચાર ના આવ્યા કે, “આટલી મોટી જાનના જોખમે લડાઈ કરી વિજય મેળવ્યું એનું મળેલ આટલું મોટું ઇનામ તે એમ જ દાનમાં બધું જ કેમ દઈ દેવાય ? જંગી યુદ્ધની ભગીરથ મહેનતનું ફળ તો આપણે લહેર કરવા માટે સંગ્રહી રાખવું જોઈએ ને ? ના રે ના. જીવની ઉત્તમતા - દાનાદિ ધર્મ ઉપર દષ્ટાંતો
