________________ વિષય ચિંતામાં - દુરાચારી ફોજદારનો પ્રસંગ કેટલાક લોકો બેફિકરા બની કહે છે, “ભવિષ્ય ભવિષ્યની શી વાતો કરો છો ? આગળ ઉપર જે બનશે તે જોયું જાશે. પરંતુ એ વિષયચિંતામાં ડૂબેલાના બોલ છે. એમને ખબર નથી કે બોલવું સહેલું છે પરંતુ અવસરે એવી પીડા, આફત કે દુ:ખ આવીને ઊભા રહે છે ત્યારે વેક્યા જતાં નથી, “હાય, હાય” થાય છે, “કંઈ કરો, મને બચાવો' એવી ભારોભાર દીનતા કરવી પડે છે. ફોજદારનો પ્રસંગ : વર્તમાન કાળના એક નવાબી રાજ્ય વખતનો પ્રસંગ છે. ત્યાં એક મુસલમાન ફોજદાર હતો. ભારે વિષયાંધ ! આમ ફોજદારપણું તો બરાબર બજાવે, ક્યાંય ગુનો ન થાય એ માટે બરાબર કડકાઈ રાખે, પણ ભાઈસાહેબ પોતે દુરાચારના ગુના કરે ! વિષય અને લક્ષ્મીની લોલુપતા એક જબરી પકડ છે. જીવને અનીતિ, અન્યાય વગેરે કેટલાંય દુષ્કૃત્યોમાંઘસડે છે. લેવા-દેવાનાં કાટલાં જુદાં, બીજાને કહે, “ઘાલમેલ નહિ કરતા,” અને પોતે જ ઘાલમેલમાં ઉસ્તાદ ! વિષયલંપટતા આ કરાવે છે. ફોજદાર સતત વિષયચિંતામાં રહેતો. ક્યાંય ગામમાં કોઈ નવી સ્ત્રી આવી છે ? અગર કોઈ બીજે દાવ લાગે એવો છે ? એ જોયા. કરતો. ગામના કેટલાયને એણે હેરાન કરેલા. પરંતુ કોઈની તાકાત નહીં કે નવાબ સુધી પહોંચે. એક વાર એક લુવાણાને ત્યાં છોકરાની નવી વહુ આવી. ફોજદારને ખબર પડી. એણે એના ધણીને કહેવડાવી દીધું કે હું રાતના આવીશ માટે તું તે વખતે ઘરમાં રહેતો નહિ.” વિષય ચિંતામાં - દુરાચારી ફોજદારનો પ્રસંગ
