________________
પ્રભુ કહે છે કે, ““રસ્તામાં પેલા મોહ... ચોરટાથી ગભરાવાની જરૂર નથી.” મારી આજ્ઞાના પાલન કરવા રૂપ મારી હાજરી સતત તારી સાથે છે. તે મારું શરણું માંગ્યું, તો મેં તને તે આપ્યું છે. મારા શરણે રહેનારાએ હવે કોઇનો ય ડર રાખવાની જરૂર નથી.
અને આ ચારિત્ર્યમાર્ગે ચાલતા પહેલાં તારી ભૂખને દૂર કરવા લે આ સમ્યગ્દર્શનરૂપ ભોજન કરી લે. આ ભોજન વાપર્યા વિના ચારિત્રના માર્ગે કદમ પણ ભરી શકવાની તારામાં તાકાત નથી.'
કેવા મહાકરુણાસાગર છે આ પરમાત્મા! જેઓ અભય - આંખ - માર્ચ - બોધિ અને શરણના દાતા છે. નિષ્કારણ આપણી ઉપર અખૂટ વાત્સલ્ય વરસાવી રહ્યા છે ! સતત આપણી કાળજી લઈ રહ્યા છે. જાણે કે એક માત્ર આપણને તારી દેવાની પ્રવૃત્તિમાં મસ્ત છે.
પણ આપણે જો આ પરમાત્માની આવી ભવ્ય કરણાને ન સ્પર્શી શકીએ તો આપણા જેવો અભાગી બીજો કોઇ નહિ.
ધમ્મ સારહણઃ પરમાત્મા આપણા ધર્મરથના સારથિ છે. આપણે ધર્મમાર્ગે આગળ વધતા વધતા ક્યારેક અનાદિકાળના અશુભસંસ્કારને વશ થઈને ખોટા માર્ગે ચાલવા માંડીએ તો પરમાત્મા આપણા જીવનરથને સાચા માર્ગે પાછા લાવનારા સારથિ છે.
પેલા મેઘકુમારને દીક્ષા લીધા પછી સાધુઓની ચરણરજના કારણે પ્રતિકુળતા મળતા દીક્ષા છોડી દેવાના વિચાર આવ્યા. ત્યારે ઉન્માર્ગે જતા તેના જીવનરથને પરમાત્મા મહાવીરદેવ સાચા માર્ગે ક્યાં નહોતા લાવ્યા ? પ્રભુવીર મેઘના જીવનરથના સારથિ બન્યા હતા.
આપણો જીવનરથ પણ પાપના માર્ગે કદમ ન ભરે તે માટે પ્રભુને વિનંતી કરીએ કે, “હે પ્રભો, આપ મેઘકુમારની જેમ અમારા પણ ધર્મરથના સારથિ બનો અને અમારા જીવનને સદા પવિત્ર રાખવામાં સહાય કરો. ખોટા વિચારોઉચ્ચારો કે વર્તન કરતા અમને સદ્બુદ્ધિ આપીને સાચા રાહે લઈ જાઓ.”
જાવયાણું - તારયાણું - બોહયારું -મોઅગાણું :
પરમાત્માની અદ્દભુત વિશેષતાઓ આ પદોમાં જણાવી છે – આ દુનિયાની વ્યક્તિઓ સામાન્યતઃ પોતાની જાતને મહાન બનાવવાના અનેક પ્રયત્નો કરતી હોય છે પણ પોતે જેવા મહાન બન્યા, તેવા મહાન બીજાઓને બનાવવા ઇચ્છતી નથી.
૨૬ સૂત્રોના રહસ્યોmગર છે
