________________
તે જ રીતે પરમાત્માનો પણ તેવો આગવો વિશિષ્ટ પ્રભાવ છે. જો આપણે બરોબર તેમની સન્મુખ થઈએ, તેમનું અંતઃકરણથી શરણું સ્વીકારીએ, તો ચોક્કસ તેમના પ્રભાવને પામીએ.
પરમાત્માના પ્રભાવને પામીને આપણે આ તેર વસ્તુની પ્રાર્થના કરવાની છે. તે પ્રાર્થના પણ એકાગ્ર બનીને, તલ્લીન થઈને પ્રણિધાનપૂર્વક કરવાની છે.
જિનશાસનમાં પ્રણિધાનનું ખૂબ જ મહત્ત્વ છે. પ્રણિધાન વિનાની આરાધના પોતાનું વિશિષ્ટ ફળ આપવા સમર્થ બની શકતી નથી. ચૈત્યવંદનાદિ જે ક્રિયા ભક્તજન કરી રહ્યો છે, તેમાં પ્રણિધાન કેળવવા માટે આ સૂત્ર બોલવાનું છે.
પ્રણિધાન એટલે લક્ષ. મેં જે આચૈત્યવંદનાદિ આરાધના કરી, તેની પાછળ મારું આ જ પ્રણિધાન = લક્ષ છે કે, હે ભગવંત ! તારા પ્રભાવે મને આ તેર વસ્તુઓની પ્રાપ્તિ થાઓ.
આમ, પ્રણિધાન પેદા કરનારું આ સૂત્ર હોવાથી આ સૂત્રનું શાસ્ત્રીય નામ પ્રણિધાન સૂત્ર છે.
કોઈ માણસ પાંચ લાખ રૂપિયાનો ચેક લખે, તે ચેકની બધી વિગતો બરોબર ભરે, પણ સહી જ ન કરે તો તે ચેકની શી કિંમત?
પરમાત્માના પ્રક્ષાલથી માંડીને કરેલી અંગરચના વગેરે તમામ આરાધનાઓ ચેક લખવા સમાન છે. અને પ્રણિધાનપૂર્વક, ગદ્ગદ્ થઈને, કાકલૂદીપૂર્વક આ જયવીયરાય સૂત્ર બોલવું તે ચેકમાં સહી કરવા બરોબર છે. આ વાત જાણ્યા પછી હવે જયવીયરાય સૂત્ર બોલતી વખતે વેઠન વળે તેની કાળજી લેવી, મન, વચન, કાયાને બરોબર એકાગ્ર કરવા. હૃદયના ઊંડાણથી પરમાત્મા પાસે આ તેર ચીજોની માગણી કરવી.
પ્રાર્થના કરવી, તેજ આ જયવીયરાય સૂત્રનું હાર્દનથી, પણ તે પ્રાર્થનાઓ કરવા પાછળ પણ ત્રણ લોકના નાથ દેવાધિદેવ પરમાત્માના અચિન્ય પ્રભાવને સ્વીકારવાની જે વાત છે, તેનું મહત્ત્વ છે.
આપણા પુરુષાર્થથી કાંઈ ન થાય. અરે ! પુણ્યથી પણ બધું ન મળે. જયાં પુરુષાર્થ અને પુણ્ય, બંને પાંગળા પુરવાર થાય, ત્યાં પ્રભાવની આવશ્યકતા પેદા થાય.
પુરુષાર્થથી ચમા મળે, પુણ્યથી આંખ મળે, પણ આંખમાં નિર્વિકારભાવ તો પરમાત્માના પ્રભાવે જ મળે ને?
જિ . ૪૯ - સૂત્રોના રહસ્યો ભાગ-૨
