________________
એવા ભાવો નહિ રહેવાના. તારી ભક્તિ હું પછી કદી ય નહિ કરી શકવાનો. આ વાસ્તવિકતા ધ્યાનમાં આવતા જ હું દુઃખી દુઃખી બની જાઉં છું. ના, ભગવાન ના ! મને આ વાત ન પોષાય. હું તો સદાનો તારો ભક્ત રહેવા માંગું છું. મારે મોક્ષ જોઈતો નથી. મારે તો સદા તારી ભક્તિ જ જોઈએ છે.
પરમાત્માની ભક્તિનું મહત્ત્વ જેને સમજાયું છે, તેવા ભક્તોની સ્થિતિ આવી હોય છે. તેઓ ભક્તિ માટે તલપતા હોય છે. પરમાત્માનો ક્ષણનો ય વિયોગ તેમના માટે યુગો સમાન બની રહે છે. માટે જ તેમનાથી પરમાત્મા પાસે સહજ રીતે આ માંગણી થયા વિના નથી રહેતી કે “હે પરમાત્માનું મને ભવોભવ તારા ચરણોની સેવા મળ્યા કરો.”
પ્રભો ! તું મળ્યો એટલે મને બધું જ મળ્યું. મારે પછી કાંઈ જ મેળવવાનું બાકી રહેતું નથી. મારા માટે સ્વર્ગ કહો કે મોક્ષ, સુખ કહો કે આનંદ, જે કાંઈ કહો તે બધું પ્રભો! તું જ છે. માટે જ તારા ચરણોની સેવા દરેક ભવમાં મળતી રહે તેવી તને વિનંતી કરું છું.
હે પ્રભો ! મારી વિનંતીને તું સ્વીકારજે. મને સદા તારું શરણું દેજે. તારા ચરણોની સેવા આપજે.
(૧૦) દુઃખખ્ખઓ : પરમપિતા પરમાત્મા ! તારી કૃપાના પ્રભાવે લોકોત્તર સૌંદર્યને પ્રાપ્ત કરનારો હું તારી પાસે મારા દુ:ખોનો નાશ તો શા માટે માગું? સરુઓના સંગથી મને એ વાત બરોબર સમજાણી છે કે પાપક્રિયાઓ અને તેનાથી બંધાતું પાપકર્મ ખરાબ હોવા છતાં ય તેના ઉદયે જે દુઃખ આવે છે તે કાંઈ ખરાબ નથી ! અરે ! અપેક્ષાએ તો ભોગવવું પડતું આ દુ:ખ ઘણું સારું છે. કારણ કે સમાધિપૂર્વક હું જેમ જેમ તે દુઃખોને ભોગવતો જઈશ, તેમ તેમ મારા અશુભકર્મો ખપતાં જશે. પરિણામે મારો મોક્ષ મારી વધુ ને વધુ નજીક આવતો જશે.
વળી, દુઃખોમાં મારે જે વેદના સહવાની આવશે, તેની પ્રત્યેક પળ મારી વંદનામાં પસાર થશે. સુખમાં ભલે સોની સાંભરે પણ દુઃખમાં તો રામ જ સાંભરે ને? વારંવાર તને કરાતી તે વંદનાઓ મારા અનંતાનંત કર્મોનો ખાત્મો બોલાવતી જશે. હવે તો અપેક્ષાએ સુખના બદલે દુઃખ આવે તે તો મારા માટે સારું જ છે.
તેથી પરમાત્મા ! તારા શાસનને પામ્યા પછી મારા દુઃખોને નિવારવાની પ્રાર્થના નથી કરતો. હું તો ઈચ્છું છું કે તું વિશ્વના સર્વ જીવોના દુઃખોનો નાશ કર.
૭૪ કિ . સૂત્રોના રહસ્યmગ-૨ -
