________________
(૮) વધતી જતી શ્રદ્ધા વડે (વઢમાણીએ સદ્ધાએ) :
દરેક પ્રવૃત્તિની સફળતાનો આધાર તે પ્રવૃત્તિ પ્રત્યેની શ્રદ્ધાનો છે. આ પ્રવૃત્તિ મને મારા ઈચ્છિત પ્રયોજનની સિદ્ધિ કરાવી શકશે; તેવી શ્રદ્ધા જેને હોય તે વ્યક્તિ જ તે પ્રવૃત્તિ યોગ્ય રીતે કરીને ઈચ્છિત ફળ મેળવી શકશે. પણ જેમને તેવી શ્રદ્ધા છે જ નહિ તે વ્યકિત કાં તો તે પ્રવૃતિ કરશે નહિ, અને જો કરશે તો અધૂરી છોડી દેશે અથવા તેમાં વેઠ ઉતારશે; પરિણામે તેને ઈચ્છિત પ્રયોજનની સિદ્ધિ નહિ થાય.
આપણે તો કાઉસ્સગ્ગ દ્વારા કેટલાક પ્રયોજનો સિદ્ધ કરવા છે. તેથી વધતી જતી નિર્મળ શ્રદ્ધા દ્વારા આ કાઉસ્સગ્ન કરવાનો છે. શ્રદ્ધા વિના કરાતો કાઉસ્સગ તેનું ફળ આપી શકે નહિ.
(૯) વધતી જતી બુદ્ધિ વડે (વઢમાણીએ મેહાએ)ઃ
કાઉસ્સગ્નની સફળતાનું પ્રથમ સોપાન જો શ્રદ્ધા છે તો તેના જેવું જ બીજું મહત્ત્વનું સોપાન નિર્મળ બુદ્ધિ છે. જે બુદ્ધિ કાર્યને સમજી શકે, તેના સ્વરુપ, પ્રયોજન, હેતુ વગેરેનો ખ્યાલ કરી શકે તે નિર્મળ બુદ્ધિ કહેવાય. અહીં કાઉસ્સગ્નમાં ધ્યાન ધરવાનું છે. જે સાધક આ ધ્યાનનું સ્વરુપ, તેનો વિષય, તેનું પ્રયોજન, તેનું ફળ વગેરે બરોબર જાણતો નથી, તે શી રીતે તે ધ્યાનમાં – કાઉસ્સગ્નમાં સ્થિર રહી શકે? તેથી અહીં જણાવ્યું કે વધતી જતી બુદ્ધિ એટલે કે વધતી જતી યથાર્થ સમજણ વડે હું કાઉસ્સગ્ન કરું છું.
(૧૦) વધતી જતી ચિત્ત-સ્વસ્થતા ધીરજ વડે (વઢમાણીએ ધીઈએ)ઃ
કાઉસ્સગ્નની સફળતાનું ત્રીજું પગથીયું છે ધીરજ. શારીરિક શક્તિને બળ કહેવાય, જયારે માનસિક શકિતને ધૃતિ = ધીરજ કહેવાય. કાઉસ્સગ્નમાં ધ્યાનની સ્થિરતા માટે કૃતિ ખૂબ જ જરુરી છે. હર્ષનું નિમિત્ત પેદા થવા છતાં જે આનંદમય થતું નથી કે શોકનું નિમિત્ત મળવા છતાં જે દીન બનતું નથી, તેવું સ્વસ્થ ચિત્ત ધ્યાનમાં સ્થિરતા લાવી શકે છે. આવું સદા સંતુષ્ટ, પ્રસન્ન, સ્વસ્થ ચિત્ત કાઉસ્સગ્નને ઊંચી સફળતા અપાવી શકે છે. વધતી જતી ચિત્તની સ્વસ્થતા રુપ સાધનથી હું આ કાઉસ્સગ્ન કરું છું, તેવું આ પદથી સૂચવાય છે.
(૧૧) વધતી જતી ધારણાથી (વઢમાણીએ ધારણાએ) :
કાઉસ્સગ્નને સફળ કરવાનો ચોથો ઉપાય છે વધતી જતી ધારણા. ધારણા એટલે ધ્યેયની સ્મૃતિ, પોતે જે ધ્યેયનું ધ્યાન ધરવા માગે છે, તેને સદા સ્મરણમાં રાખવું. ક્ષણ માટે પણ તેની વિસ્મૃતિ ન થવા દેવી હજી
૯૨ સૂત્રોના રહસ્યભાગ-ર જાડ
