________________
હોય તેમનું ચૈત્યવંદન બોલવું. ન આવડતું હોય તો કોઈપણ ભગવાનનું ચૈત્યવંદન બોલવું. તે વખતે, જે ભગવાનનું ચૈત્યવંદન બોલતા હોઈએ, તે જ ભગવાન સામે બિરાજમાન છે, તેવી માનસિક કલ્પના કરવી.
યોગમુદ્રામાં ચૈત્યવંદન બોલ્યા પછી અર્થના ચિંતવનપૂર્વક જંકિંચિ' તથા નમુથુણં' સૂત્ર બોલવું, પછી મુક્તાસુક્તિમુદ્રામાં હાથ કરીને “જાવંતિ ચેઈઆઇ.” સૂત્ર બોલવું.
પછી, ત્રણે લોકમાં રહેલા જિનચૈત્યોને વંદના કરવા ઊભા થઈને ખમાસમણ દેવું. તે વખતે હાથને યોગમુદ્રામાં ફેરવવા. ખમાસમણ દીધા પછી ફરી ડાબો ઢીંચણ ઊભો કરીને બેસવું. મુક્તાસુક્તિમુદ્રામાં હાથ રાખીને જાવંત કેવિ સાહૂ' સૂત્ર બોલવા દ્વારા સર્વ સાધુ ભગવંતોને વંદના કરવી. પછી યોગમુદ્રામાં નમોડહંત સૂત્ર બોલીને સ્તવન બોલવું.
જિનાલયમાં જે ભગવાન બિરાજમાન હોય તે ભગવાનનું સ્તવન બોલવું. તે ન આવડતું હોય તો સામાન્ય જિન સ્તવન (બધા ભગવાનને લાગું પડે તેવું સ્તવન) બોલવું. તે પણ ન આવડે તો જે ભગવાનનું સ્તવન બોલાય તે ભગવાન સામે છે, તેવી માનસિક કલ્પના કરવી.
હૃદયમાં ભાવો ઊભરાય તેવું પરમાત્માના ગુણને જણાવતું કે પોતાના દોષોને પ્રગટ કરતું સ્તવન બોલવું. તે પણ મધુર કંઠે ગાવું. બીજાને અંતરાય ન થાય તે રીતે ધીમા સ્વરે ગાવું. પૂર્વના મહાપુરુષોએ જેની રચના કરી હોય તેવું સ્તવન ગાવું. તે પણ પ્રાચીન તર્જે ગાવું, પણ જેનાથી વિકારો વગેરે જાગે તેવા ફિલ્મી રાગે ન ગાવું. સ્તવન બોલતી વખતે પણ તેના ભાવવાહી શબ્દોના અર્થનો વિચાર કરવાપૂર્વક ભાવવિભોર બનવું. યથાયોગ્ય હાવભાવ – અભિનય વગેરે પણ કરવા. તેમ કરવાથી ભાવોમાં વિશેષ ઉછાળો આવે છે.
સમયની વિશેષ અનુકૂળતા હોય અને ભાવ ઉછળતા હોય તો એકના બદલે ઇચ્છાનુસાર, ગમે તેટલાં સ્તવનો પણ બોલી શકાય છે.
એક પણ સ્તવન ન આવડતું હોય તો જલ્દીથી ગોખી લેવું જોઈએ. જ્યાં સુધી ન આવડે ત્યાં સુધી સ્તવનની જગ્યાએ ઉવસગ્ગહર સૂત્ર બોલવું. આવડતું હોવા છતાં ય સ્તવન બોલવું નહિ તે જરાય ઉચિત નથી.
પછી હાથને મુક્તાસુક્તિમુદ્રામાં લલાટે અડાડીને જયવીયરાય સૂત્ર શરુ કરવું. પ્રણિધાનપૂર્વક પરમાત્માને પ્રાર્થના કરવામાં તલ્લીન બનવું.
૯૮ - સૂત્રોના રહસ્યોભાગ-૨
