________________
કુવાદીઓના મગજમાં જે અહંકાર ઠાંસી ઠાંસીને ભરેલો છે, તે ત્યાં સુધી જ ટકી શકે કે જ્યાં સુધી જિનમતના વાદીની સાથે તેઓ વાદ ન કરે. જો એકવાર જિનમતને તે બરોબર જાણે તો તેના અનેકાંતવાદની સામે તે બધાના અહંકારનો ચૂરેચૂરો થયા. વિના ન રહે. તમામ કુવાદીઓના અહંકારનો પૂરેપૂરો નાશ કરનારા આ જિનમતને જેટલી વંદનાઓ અર્પીએ તેટલી ઓછી છે.
મય જિણાણું સરખું બુહાણ
પંડા એટલે બુદ્ધિ, વિશિષ્ટબુદ્ધિના જે સ્વામી હોય તે પંડિત કહેવાય. તેઓ પોતાની બુદ્ધિના જોરે અનેક શાસ્ત્રોનો બોધ કરીને બુધ બન્યા હોય. આવા વિશિષ્ટ કોટીના પંડિતોને માટે પણ શરણભૂત જો કોઈ હોય તો તે જૈન સિદ્ધાન્તો છે. પરમાત્માનું તત્ત્વજ્ઞાન છે. આ વિશ્વની તમામ બાબતોના સમાધાનો જિનમત દ્વારા મળે છે. જિનમત જેણે મેળવ્યો, તેણે પછી કાંઈ મેળવવાનું બાકી રહેતું નથી. આવા જિનમતને કોટિ કોટિ નમસ્કાર હો.
નમામિ નિચ્ચે તિજગપ્પહાણ
ઉર્ધ્વલોક, અધોલોક, તિચ્છલોક; એ ત્રણેય લોકમાં સર્વશ્રેષ્ઠ કોઈ હોય તો તે જિનમત છે. અનુત્તરવાસી દેવો પણ દેવલોકમાં રહ્યા રહ્યા જિનમતનો સ્વાધ્યાય કરતા હોય છે. મહાવિદેહક્ષેત્રની અધોગ્રામમાં આવેલી વિજયમાં પણ વિહરમાન તીર્થંકર પરમાત્માના સાન્નિધ્યમાં પણ જિનમતનો જયજયકાર થાય છે. આ મધ્યલોકમાં તો જિનમત સર્વશ્રેષ્ઠ છે જ. આમ, ત્રણે લોકમાં સર્વોત્કૃષ્ટજેજિનાગમ છે, તેને વંદના કરવાને કોણ ન ઇચ્છે? હું પણ તેને વંદના કરું છું.
છેલ્લી ગાથા:
જિનશાસનમાં સમ્યગ્દષ્ટિ દેવોને સ્મરણીય કહ્યા છે. જે સમ્યગદષ્ટિ દેવો સંઘની વૈયાવચ્ચ કરવામાં તત્પર છે. શાંતિને કરનારા છે, સમ્યગ્દષ્ટિ આત્માઓની સમાધિને કરનારા છે, તે દેવોને અવારનવાર અવસરે યાદ કરવા જરૂરી છે. શુભકાર્યમાં વિઘ્ન આવતું અટકાવવામાં તેઓ સહાયક બને છે. તેથી દેવવંદન કરતી વખતે ચોથી થોયમાં તેમનું સ્મરણ કરવામાં આવે છે. '
તેમાં ય શ્રુત (સરસ્વતી દેવી તો જ્ઞાનની દેવી છે. મોક્ષમાર્ગનું શ્રેષ્ઠવાહન જે સમ્યજ્ઞાન છે, તેની દેવી આ શ્રુતદેવી છે. તેનો વર્ણ, બેઠક, તથા હાથમાં રહેલી વસ્તુઓના વર્ણન દ્વારા તે શ્રુતદેવીને સ્મરણપથમાં લાવવામાં આવે છે. અને તે સદા આપણા સુખને માટે થાય તેવી અપેક્ષા વ્યક્ત કરાય છે.
૧૦૮ - સ્ત્રીનારહસ્યભાગ-ર કિ .
