________________
મહાપુરુષો!
તેઓ કહે છે, “ભાઈ ! ચિંતા ન કર ! તું તારા દોષોથી અકળાઈ ગયો છે, તે જ મોટી વાત છે. તને તારા દોષો નાગ કરતાં ય વધારે ભયંકર લાગ્યા છે, અને તે દોષોને દૂર કરવાની તે મહેનત પણ આદરી છે, તે ખૂબ જ સારી વાત છે. તારો પ્રયત્ન થવા છતાં ય તેઓ દૂર થતાં નથી, તેથી તું ટેન્શનમાં છે ને? પણ સાંભળ! તે રીતે દોષો દૂર નહિ થાય. તું એક કામ કર. પરમાત્મા રૂપી મોરલાને તારા હૈયામાં લાવીને મૂકી દે. એ મોરલાનું આગમન થતાં જ વાસનાઓ-દોષોરૂપી નાગો તારા આત્મામાંથી નાસી ગયા વિના નહિ રહે.”
પોતાના પુરુષાર્થે દોષો નામશેષ ન પામે તેવું પણ બને. અરે ! કદાચ બમણા જોરે હુમલો કરવા લાગે તેવું પણ બને ! પરંતુ પરમાત્મા રૂપી મોરલાના પ્રભાવે તો પૂર્ણ સફળતા જ મળે. દોષો મૂળથી નાશ થયા વિના ન રહે.
અરિહંત પરમાત્માને હૃદયમાં સ્થાપન કરીને, તેમની અનેક રીતે સ્તવના કરવી તેનું નામ “ચૈત્યસ્તવ'! ચૈત્ય એટલે જિનપ્રતિમા. જિનપ્રતિમાના આલંબને આપણા હૃદયમાં પરમાત્મા પધારે છે. તેમની સ્તવના કરવા દ્વારા દોષોનો નાશ કરી શકાય છે.
કોઈ પણ વસ્તુ પ્રાપ્ત કરવાનો સરળ, સફળ અને સચોટ ઉપાય એ છે કે, તે વસ્તુના સ્વામીનું વારંવાર શરણું લેવું. તેમની વારંવાર સ્તવના કરવી. તેમના પ્રભાવને ઝીલવાનો પ્રયત્ન કરવો.
આપણા બધાની ઈચ્છા મુક્તિ મેળવવાની છે. આત્માની શુદ્ધિ-પવિત્રતા પ્રાપ્ત કરવાની આપણી ઝંખના છે. તો તેનો સચોટ ઉપાય એ જ ગણાય કે મુક્તિને પામેલ તથા પવિત્રતા અને શુદ્ધિના ટોચ કક્ષાના સ્વામી પરમાત્માનું વારંવાર શરણું સ્વીકારવું. તેમના ચરણોમાં વારંવાર વંદના કરવી. સતત તેમની સ્તવના કરતા રહેવું. ઊંચામાં ઊંચા દ્રવ્યો દ્વારા તેમની ભક્તિ કરવી. તેમ કરવાથી તેમના પ્રભાવે આપણને પણ શ્રેષ્ઠતમ મુક્તિની પ્રાપ્તિ થશે. પવિત્રતાની ટોચે પહોંચી શકીશું. મૂલ્યવાન શુદ્ધિના સ્વામી બની શકીશું.
પરમપિતા પરમાત્માએ શુદ્ધિને પ્રાપ્ત કરવા જે પરિષહો અને ઉપસર્ગોને સહન કર્યા છે, તે સહન કરવાની આપણી તો કોઈ હેસિયત નથી. અરે ! તેમની સાધનાની, જાત પ્રત્યેની કઠોરતાની વાતો સાંભળતાં પણ ચક્કર આવી જાય છે. તો શું આપણે તેમના જેવી શુદ્ધિ ન પામી શકીએ?
ખેડા ૮૪ - સૂત્રોનારહોભાગ-૨ કિ.
