________________
(૯) પ્રભુજી પધારો | જય વીયરાય: હે વીતરાગ પરમાત્મા! જય પામો.
અરે ! વીતરાગ પરમાત્મા તો ક્યારના ય જય પામી ગયા છે. પોતાના છેલ્લા ભવમાં જયારે તેમણે ક્ષપકશ્રેણી માંડીને મોહનીય કર્મનો ખુરદો બોલાવ્યો, રાગ ખતમ કર્યો, વીતરાગ બન્યા ત્યારે જ તેઓ તો જય પામી ગયા હતા, હવે તેમને વળી, “જય પામો” એમ કહેવાની શી જરૂર?
ઓ વીતરાગ પરમાત્મા! મોહ સાથેના સંગ્રામમાં આપ તો ક્યારના ય જય પામી ગયા છો, પણ આજે મારો મોહનીય કર્મ સાથે સંગ્રામ ચાલી રહ્યો છે. આ યુદ્ધમાં હું સતત હાર ખાઈ રહ્યો હોઉં તેવું મને ભાસે છે. કારણ કે ગુણોનો કરોડપતિ હું આજે ભિખારી બન્યો છું. યયાતિ જેવી કામવાસના મારામાં સળગી ઊઠી છે, તો અગ્નિશમથી ય વધારે ક્રોધી હું બન્યો છું. હું મંગુ આચાર્ય જેવો ખાવાનો લાલચું છું તો મમ્મણ જેવો ધનલંપટ છું. પંકપ્રિય કુંભાર જેવો ઈષ્યાળુ છું તો અયોધ્યાની ધોબણ જેવો નિદક બન્યો છું. રાવણ જેવો મહા - અહંકારી બન્યો છું તો કંડરિક જેવો આસક્ત બન્યો છું. મોહરાજે મારા ગુણોનો ખુરદો બોલાવ્યો છે ને તેના સૈન્યનો પગ પેસારો કરાવીને મારા રાજયને ખતમ કરવાનો પેંતરો રચ્યો છે.
મારા આત્મામાં પ્રવેશેલા નાના નાના દોષોને મેં પાળી પોષીને મોટા કર્યા છે. હવે આ દોષો એટલા બધા તગડા થયા છે કે નીકાળવા મથું તો ય નીકળતા નથી, ડેરા-તંબુ તાણીને તેઓએ મારા આત્મામાં અડ્ડો જમાવ્યો છે. એટલું જ નહિ, તેમની સામે પડું ત્યારે તેઓ મને જ ચત્તોપાટ પાડી દેવાનું કામ કરે છે !
પણ આ દોષોએ મારું સ્વપ્ન જે અતિશય વિકૃત બનાવ્યું છે, તે મારાથી સહન થાય તેમ નથી. તેમના કારણે જે અનંતા દુ:ખો મારે ભોગવવા પડ્યા છે, અનંતા ભવો મારે સંસારમાં ભટકવું પડ્યું છે, પાપમય જીવન જીવવા પડ્યાં છે, ઈચ્છા વિનાના જન્મો સ્વીકારવા પડ્યા છે, રિબામણભરપૂર મોત વધાવવા પડ્યા છે. તે મને હવે જરાય પસંદ નથી. તેથી તે પરમાત્મા! મેં તેમની સામે મોરચો માંડ્યો છે. યુદ્ધ શરુ થયું છે. મેદાનમાં બરોબર ઊતર્યો છું. જીતવા માટે મેં પૂરો દાવ લગાવ્યો છે.
પણ પરમાત્મા! મને લાગે છે કે મારા પુરુષાર્થે હું આ યુદ્ધમાં વિજય મેળવી શકું તેમ નથી. જેમ જેમ યુદ્ધમાં આગળ વધું છું, તેમ તેમ આ દોષોની સામે મારે
બે પ૪ કિ . રૂારહોભાગ-૨ )
