________________
(૮) (તવ્યયણ સેવણા) તેમના વચનનો સ્વીકાર :
હે પરમાત્મા ! તારા પ્રભાવે મને શુભગુરુની પ્રાપ્તિ તો થઈ જશે, પણ પ્રાપ્ત થયેલાં તે ગુરુભગવંતના વચનોનો જો હું સ્વીકાર જ ન કરું તો મને શું લાભ ?
મેં તો સાંભળ્યું છે કે ગુરુતત્ત્વ તો આગ જેવું છે. જો તાપતાં આવડે તો ઠંડી ઉડાડે, નહિ તો બાળી નાંખે. જો ગુરુતત્ત્વની આરાધના કરતાં આવડે તો બેડોપાર, પણ જો તેમનો દ્રોહ કરવામાં આવે તો અનંતો સંસાર વધી જાય.
પેલા આરણકમુનિએ ગુરુદ્રોહ કર્યો તો મોત મળ્યું. કુલવાલકમુનિએ ગુરુદ્રોહ કર્યો તો ગણિકાથી તેનું પતન થયું એટલું જ નહિ પણ ૫૨માત્મા મુનિસુવ્રત સ્વામીના સ્તૂપને ઉખેડીને ફેંકી દેવરાવવામાં તે નિમિત્ત બન્યા. હંસ, પરમહંસ પોતાના ગુરુ હરિભદ્રસૂરિજીની ઉપરવટ થઈને બૌદ્ધ મઠમાં ભણવા ગયા તો મરાણા, આવા આવા અનેક પ્રસંગો સાંભળીને ધ્રૂજી ઊઠ્યો છું.
ગુરુદ્રોહનું પાપ ઘણું ઉગ્ર ગણાય છે. આ ભવમાં જ પ્રાયઃ તે પોતાનો ભયાનક પરચો બતાવતું હોય છે. તેથી શુભગુરુનો યોગ થયા પછી પણ ક્યારે ય તેમનો દ્રોણ હું ન કરી બેસું, તેમ ઈચ્છું છું.
મને મળેલા ગુરુમાં હું ગૌતમના દર્શન કરતો થાઉં, તેમના પ્રત્યેક વચનોને સાક્ષાત્ પરમાત્માની આજ્ઞાની જેમ વધાવનારો બનું, તેમનો પડતો બોલ ઝીલવા તલપાપડ બનું. તેમના પ્રત્યે રોમરોમમાં ઉછળતા બહુમાનભાવને ધારણ કરનારો બનું, તેવી મારી તમન્ના છે.
(1
મેં સાંભળ્યું છે કે ગુરુપારતન્ત્ય પાયાનો ગુણ છે. ગુરુને પરતંત્ર રહેવાથી અત્યાર સુધીમાં અનંતા આત્માઓ મોક્ષ પામી શક્યા છે. તો તેવા ગુરુપારતન્ત્યભાવનો હું ધા૨ક બનું. ગુરુ કહે કે, “કાગડા ધોળા છે” તો હું પણ “કાગડા ધોળા છે', તેવી વાત કોઈ પણ જાતના સંકલ્પવિકલ્પ વિના સ્વીકારનારો બનું. કોઈ દલીલ નહિ, કોઈ શંકા નહિ, કોઈ પ્રશ્ન નહિ, માત્ર ઊછળતી શ્રદ્ધા, તેમના વચન પ્રત્યેનો ઊછળતો અહોભાવ. બસ ! આટલું મને મળી જાય એટલે ભયો ભયો.
હે પરમાત્મા ! અનંતકાળથી સ્વતંત્રતા અને સ્વચ્છંદતાના કુસંસ્કારો એટલા બધા મજબૂત કર્યા છે કે, ઉપરોક્ત વાતો મને પોતાને મારા માટે અતિશય મુશ્કેલ, અરે ! અશક્ય પ્રાયઃ જણાય છે. હું ગમે તેટલું મારા મનને સમજાવું, તો પણ આવો સમર્પિત બની શકું, તેમ મને તો લાગતું નથી જ.
૭૧ રોગ છે, સૂત્રોના રહસ્યોભાગ-૨ ક
