________________
આવેલાંને પણ તારવાની શક્તિ ધરાવનારા હોય, મારા જેવા કાળમીંઢ પથ્થરને પણ સારી સમજણ આપીને ઠેઠ મોક્ષ સુધી પહોંચાડવા સમર્થ હોય તેવા શુભગુરુની પ્રાપ્તિ હું ઝંખી રહ્યો છું.
મારા પુરુષાર્થથી તેવા ગુરુને હું શોધી શકું તેમ મને લાગતું નથી. તેવા ગુરુ તો તારા પ્રભાવે જ મને મળે તેમ લાગે છે. પરમપિતા પરમાત્મા ! માટે જ હું આજે તારી પાસે આવ્યો છું.
' સાંભળ્યું છે કે કેટલાક ગુરુઓ લોખંડની હોડી જેવા હોય છે. પોતે ડૂબે ને પોતાના શરણે આવેલાને ય ડુબાડે.
કેટલાક ગુરુઓ કાગળની હોડી જેવા હોય છે, પોતે એકલા હોય તો તરી જાય, પણ જો કોઈ તેના શરણે આવે તો બંને ડૂબે.
જ્યારે કેટલાક ગુરુઓ લાકડાની હોડી જેવા હોય છે, પોતે તરે ને પોતાના શરણે આવેલાને પણ તારે. મારે જોઈએ છે આવા લાકડાની હોડી જેવા ગુરુ. જેમના શરણે જવાથી એકાન્ત મારા આત્માનું હિત થવાનું હોય. અહિતની તો સ્વપમાં પણ શક્યતા ન હોય.
ભલે ને મારા આત્મામાં અનાદિકાળના કુસંસ્કારો જોર મારતા હોય ! મારે ગુરુ જ એવા જોઈએ કે જેઓ ઉપદેશામૃતથી તે કુસંસ્કારોને શાંત કરવા સમર્થ હોય, નિમિત્તોની નાકાબંધી કરવા દ્વારા તે કુસંસ્કારોનો કદી ય ભડકો ન થવા દેતા હોય. સ્વયં વૈરાગી હોઈને મારામાં ભરપૂર વૈરાગ્યને પેદા કરવા સમર્થ હોય.
રોજ વાચના અને વાત્સલ્યનું દાન કરવા દ્વારા મારા આત્માના દોષોનો ખુરદો બોલાવીને અનંતા ગુણોને પ્રગટ કરવામાં સમર્થ હોય. તારી આજ્ઞા પ્રત્યેની વફાદારી જેમની અવિરત હોય. તારા શાસન પ્રત્યેનો પ્રેમ જેની નસનસમાં વહેતો હોય. શારીરિકાદિ કારણસર ક્યાંક તારી આજ્ઞાનું પાલન કદાચ ઓછુંવતું હોય તો ય પ્રત્યેક આજ્ઞાનું પાલન કરવાની તલપ હોય. ન થતું હોય તેનો ભયંકર ત્રાસ હોય. તારી આજ્ઞા વિરુદ્ધ સ્વપ્રમાં ય વિચારવા જે તૈયાર ન હોય.
ભગવંત! હું તો શું સમજું? હું તો શું જાણું? તારા કેવળજ્ઞાનના પ્રકાશમાં, તને જે ગુરુ શુદ્ધ જણાતા હોય, શુભ જણાતા હોય તેવા ગુરુને હું ઈચ્છું છું. તેનું શરણું સ્વીકારવાથી મારું કલ્યાણ શક્ય છે, તેથી તેવા શુભગુરુની મને પ્રાપ્તિ કરાવ, તેવી આજે તારી પાસે અંતરના ય અંતરથી પ્રાર્થના કરું છું.
૭૦ મિ. સૂરોનરહોભાગ-૨
