________________
સૂત્ર-૧૬ (પ) રસ સરખે વેદનું સસ સ ષ
જાવંત કે વિસાહૂ સૂત્ર ભૂમિકા:- અનંત ઉપકારી ચૈત્યોને વંદના કરતી વખતે ભક્ત સારી રીતે જાણે છે કે હું આજે જે આ વંદના કરી રહ્યો છું, તેના મૂળમાં પૂજનીય સાધુ ભગવંતો છે.
જો તે ગુરુભગવંતોએ અવસરે અવસરે ચૈત્યોની રક્ષા ન કરી હોત, જો તેઓએ ચૈત્યોની મહત્તા ન સમજાવી હોત, ચૈત્યોની વંદના - પૂજા શી રીતે કરવી ? તેનું માર્ગદર્શન ન આપ્યું હોત તો મારા નસીબમાં વળી આ ચૈત્યવંદના ક્યાંથી હોત?
- આજે આ પરમાત્મા, પરમાત્માનું પૂજન, પરમાત્માના વચનો; મને જે કાંઈ મળે છે, તે બધામાં પ્રત્યક્ષ કે પરોક્ષ રીતે ઉપકારી આ પંચમહાવ્રતધારી ગુરુ ભગવંતો જ છે. તેમણે જ મને આ પરમાત્માની સાચી ઓળખાણ કરાવી છે. મારા હૃદયમાં તેમના પ્રત્યે અપરંપાર બહુમાન પેદા કરાવનાર પણ તે ગુરુભગવંતો છે.
મારા આ અસીમ ઉપકારી ગુરુભગવંતોને હું કોઈ પણ સંયોગમાં ભૂલી શકું તેમ નથી. કારણે કે ઉપકારીઓને ભૂલી જવા રૂપ કૃતજ્ઞતા જેવું ભયંકર પાપ દુનિયામાં બીજું કયું હોઈ શકે ? આવું વિચારનારો ભક્ત, મહોપકારી ગુરુભગવંતોને વંદના કરવા માટે ચૈત્યવંદનમાં આ સર્વસાધુવંદન સૂત્ર ઉચ્ચાર્યા વિના રહી શકતો નથી.
આપણે જે દુનિયામાં વસીએ છીએ તે મનુષ્યલોકમાં જ સાધુ-સાધ્વીજી ભગવંતો હોય પરંતુ આપણી ઉપર રહેલી દેવોની દુનિયામાં કે આપણી નીચે રહેલી નરકની દુનિયામાં સાધુ – સાધ્વીજી ભગવંતો ન હોય.
આપણી આ દુનિયા આપણને જે દેખાય કે સંભળાય છે, તેટલી જ નથી બક્કે તેના કરતાં ઘણી બધી મોટી છે. આપણે જાણીએ છીએ તેના કરતાં ય ઘણું મોટું ભરતક્ષેત્ર છે, તેટલું જ બીજું એક ઐરાવતક્ષેત્ર છે. તે બંને કરતાં ય ઘણું મોટું મહાવિદેહક્ષેત્ર છે. આ ત્રણેય ક્ષેત્રોમાં સાધુ-સાધ્વીજી ભગવંતો વિચરી રહ્યા છે.
• અરે ! આ તો જંબુદ્વીપની અંદર આવેલાં ભરત, ઐરાવત તથા મહાવિદેહ ક્ષેત્રની વાત થઈ. આ જંબુદ્વીપ સિવાય ધાતકીખંડ અને પુષ્કરવરદ્વીપ પણ આ ધરતી ઉપર આવેલાં છે.
૩૧ . સૂત્રોના રહસ્યોભાગ-૨ કિ .
