Dhamma Kaha

Author(s): Pranamyasagar
Publisher: Akalankdev Jain Vidya Shodhalay Samiti

Page 19

Etichet ææe 18
(६) वारिसेणमुणिकहा मगहदेसस्स राजगिहणयरे राआणो सेडिगो रज्जं पाली। राणी चेलिणी जिणधम्मवासिदमणा आसि। तेसिं बुद्धिणिउणो जिणधम्मालु वारिसेणो णाम जोग्गो पुत्तो उत्तमसावगधम्म पालेदि। एगस्सिं उववासजोगेण चउदसतिहीए रत्तीए मसाणे काउसग्गेण ट्ठिदो धम्मझाणेण अप्पाणं चिंतेइ। तम्मि दिवसे उज्जाणे मगहसुंदरीए णयरवेस्साए सिरिकित्तिसेट्ठिणीअ कण्ठे मणोहरहारो अवलोइओ। तेण हारेण विणा मे जीवणस्स किं पओजणं? त्ति वियारिय सगगिहे सेज्जाए विलपंती अच्छेइ। ताए आसत्तो विज्जुअचोरो रयणीए तग्गिहे आगदो। अरे कंता! एवं उदासेण किह चेट्ठसि? सा कहेदि-जदि जहत्थेण तुमं पेम्म कुणसि तो सिरिकित्तिसेट्टिणीअ कंठगयहारं आणेज्ज। तदा खु मे जीवणं, ण अण्णहा, तदा खु तुमं मे सामी होहिसि, ण अण्णहा। वेस्साए एवं वयणं सुणिऊण तं आसासिय चोरो मज्झरत्तीए सेट्ठिणीघरे गओ। अइणिउणेण तेण हारो चोरिदो। बहि णिग्गमणकाले हारपयासेण एसो तक्करो त्ति जाणिय गिहरक्खगेहि कोलाहलो कदो। कोट्टवालेहि पच्छा धावंतेहि जदा चोरो पलाइउं असक्को तदा मसाणे ट्ठिदस्स वारिसेणस्स समक्खं हारं णिक्खविय गुम्मेसु लुक्कइ । वारिसेणसमीवं हारं दिट्ठण कोट्टवालेहिं कहिदं- राय! वारिसेणो चोरोत्थि। एवं सुणिय राआणो कहेदि-तस्स मुक्खस्स मत्थयं छिंदिय आणेयव्वं। चंडालेण तदटुं वारिसेणस्स मत्थए तलवारो चालिदो। तलवारो खलु पुप्फमालारूवेण कंठे परिवट्टइ। तदइसयं सुणिदूण राया वारिसेणत्तो खमं पत्थेइ। विज्जुअचोरेण अभयदाणं पाविय राआणस्स सव्ववुत्तंतं वुत्तं। चोरो वारिसेणं घरं पडि गंतुं उज्जुदो। वारिसेणो भासेइ- दाणिं हं खु पाणिपत्तम्मि भोयणं करिस्सामि। तदो सूरसेणगुरुसमीवं मुणी जादो।
एयदा सो मुणी राजगिहस्स णियडवट्टिणं पलासकूडगाम आहारचरियाए पविट्ठो। तत्थ सेणिगणिवस्स अग्गिभूदिमंतिपुत्तेण पुप्फडालेण मुणी पडिग्गहिदो। चरियाणंतरं किंचि दूरं बालकालस्स मित्तकारणादो पेसणटुं पुष्फडालो गदो। 'पडिणिवुत्तोमि' त्ति अहिप्पाएण सो मुणिं खीररुक्खं दरिसिज्जदि । मुणिणा ण किंचि भणियं। पुणो अग्ग मुणिं वंदेदि तो वि मुणी ण किंचि भणइ। हत्थगहणेण सो मुणिणा सह एयंते णीदो। तत्थ वेरग्गमूलं विसिट्ठधम्मोवएसं सुणिऊण पुष्फडालस्स मणम्मि मसाणवेरग्गं संजादं । तेण तवोकम्मं गिण्हाविज्जी। तवं धरतो वि सो णियवणियं सुमरेइ।