Dhamma Kaha

Author(s): Pranamyasagar
Publisher: Akalankdev Jain Vidya Shodhalay Samiti

Page 79

धम्मका aese 78
(४) अभिक्खणाणावओगभावणा
जो मोक्खमग्गस्स जोग्गहेदू सुदणाणेण णिच्चं भावेइ सो अभिक्खणाणोवओगो होदि । सम्मसणस्स गुणा के संति, कधं सम्मचारित्तस्स णिद्दोसपालणं हवे, परमट्टभावणाए उवओगं मुहु देदि, इंदियमणविसय- चायट्टं सज्झायं कुणदि, सुदेण गिहीदत्थं मणम्मि मुहु चिंतेदि भावेहि सो अभिक्खं णाणोवजोगे वट्टइ। सच्च
पालदि रक्खदि णिच्चं जो सद्दिट्ठी हु सम्मचारित्तं । परमदुभावणङ्कं णाणमभिक्खं विजाणादि ॥ ति.भा. २९ ॥
जिणवयणाणुसारेण सुदणाणस्सुवओगो विसयसुहं परिहरिय जम्मजरामरणरहिदे उत्तमट्टाणे ठवेदि तदो णिरंतरं सज्झाओ भव्वेहि कादव्वो । तहावि अकाले सज्झाओ ण करिदव्वो । संझाकाले पुव्वण्हस्स मज्झण्हस्स अवरण्हस्स रत्तीए मज्झवेलाए य दोघडियापज्जतं सज्झाओ ण करणिज्जो सिद्धतगंथाणं पढणे पाढणे य खेत्तादिचउव्विहसुद्धी पालेयव्वा ।
एगो सिवणंदी णामा मुणी गुरुमुहेण सुणेदि- जं रयणीए सवण - णक्खत्तस्सुदए जादे सज्झायजोग्गकालो होदि । तत्तो एवं जाणंतो वि सो तिव्वकम्मोदएण गुरुस्स आणं उल्लंघिय सज्झायं करित्था । तप्फलेण असमाहिमरणेण गंगाणईए महामच्छो जादो । कदा एक्को मुणी णईए तडस्स ट्ठिदो उच्चसरेण सज्झायं कुणतो चिट्ठइ । तस्स पाठस्स झुणिं सुणिय मच्छस्स जाइसुमरणं जादं । खणंतरेण अकालसज्झायफलं णादूण सो तडस्स समीवं समागच्छइ । गुरुणा सो पडिबोहिदो । तदा मच्छेण सम्मत्तं पंच अणुव्वयाई च गिहीदाई । तप्फलेण आउअं पूरिय सो सग्गे महड्डियो देवो जादो ।
तेण आलस्सपरिच्चागेण णाणभावणाकरणं णाम सज्झाओ भणियो । पमादं परिहरिय जो विकहाए खाइपूयालोहेसु दुज्झाणे चित्तं ण देदि सो अभिक्खणाणोवओगो। ण केवलं सत्थाणं अज्झयणं णाम णाणोवओगो होदि । तस्स पओजणं जो जाणेदि सो णाणी होदि । णाणस्स फलं अण्णाणस्स मोहरायदोसाणं य अभावो विहिदो । वृत्तं च
जेण राया विरज्जेदि जेण सेएस रज्जदि ।
जेण मित्तिं पभावेज्ज तं णाणं जिणसासणे ॥ (मूला.)
...