Dhamma Kaha

Author(s): Pranamyasagar
Publisher: Akalankdev Jain Vidya Shodhalay Samiti

Page 93

धम्मका a 92
(१०) अरिहंतभत्तिभावणा
चउतीसाइसियसहिदाणं अट्टमहापाडिहारेहिं संजुत्ताणं अनंतचउक्केहिं सह णियचेदणाए अणुभूदिपराणं अट्ठारहदोसवज्जिदाणं अरिहंताणं भावविसुद्धिजुत्तो अणुरागो भत्ती ।
अरिहंतभत्तीए मिच्छाइट्ठी वि सम्मादिट्ठी होदि । खओवसमसम्माइट्ठी जीवो जिणिंदभत्तीए एव अप्पम्मि सम्मत्तपयडिउदएण सम्मत्तं वेदेदि। सो खलु जदा जिणिंदभत्तिं विउलभावणाविसेसेण पवड्डेदि तदा खइयसम्मत्तस्स अहिमुहो होदि । दूरं हवे अविरदस्स कहा संजदो वि मोक्खपहे उवट्टिदाणेयविग्घाणं णिवारणं जिणिंदभत्तीए हि करेदि ।
आइरियसमंतभवो वाराणसीणयरीए अरिहंतभत्तीए पासाणदो चंदप्पहस्स पडिमं उग्घाडेइ। एक्को भेओ वि जिणभत्तीए सग्गे देवो होइ त्ति सव्वजणपसिद्धं । धणंजओ णाम गिहत्थो वि जिणभत्तिपहावेण णिजसुदस्स विसं अवहरेइ । ण केवलं सप्पविसं मोहविसं वि विणस्सइ । सच्चमेव
मंतस्सेव हु थंभइ जिणपडिमाभत्ती भववुडिविसं । मंतव्व सद्धा जिदिदेवस्स विसेसो ण ॥ ति.भा. ॥
जे तित्थयररूवेण पडिट्टिदा ते सव्वे पुव्वजीवणे अरिहंतभत्तीए सुट्टु अणुराइणो संति ।
एगो अवरजाइयचक्कवट्टी आसि । सगपिअरस्स विमलवाहणभयवंतस्स य मोक्खुवलद्धी जादा । एवं णाऊण अवराइएण व्विाणभत्ती तिदिवस उववासा कदा। पच्छा धम्मबुद्धीए सो चक्की जिणालए अरिहंतपूयं काऊण उववासेण बहुहा कालं ई । कदाचि सगित्थीणं धम्मोवदेसेण पसण्णं कुणीअ । एगदा जिणमंदिरे जुगलचारणइड्डिमुणिराया समागच्छति । मुणिणा चक्किणो पुव्वभवा धम्मोवदेसे भणिदा। अंते भणिदं तुज्झ आऊ एयमासमेत्तेण अवसिद्धं खलु तेण अप्पहिदं कादव्वं । मुणिवयण चक्की हस्सिदो विचारेइ- मज्झ तवकरणकालो खयित्था । इत्थं जाणिय अट्ठदिवसपज्जंतं जिणिंदपूया कदा | अंते सगपुत्तस्स रज्जं दाऊण पाओवगमसण्णासेण बावीसदिणाणि चडविहाराहणं आराहंतो सग्गं गदो। अच्चुदसग्गे बावीससागरपज्जंतं आउअं णिट्ठविय अग्गं पंचमभवे णेमिणाहो तित्थयरो जादो। सक्खियं अरिहंतस्स अभावे वि अरिहंतदेवस्स बिंबाणं भत्ती कायव्वा । ताए वि हित्तिणिकाचियकम्माणं खएण सम्मसणस्सुववत्ती होइ। देवगईए देवा वि सपरिवारा जदि जिणभत्तिं सया कुणति तो मणुया खु किरण करेज्जा ?
נננ