Ananthnath Jina Chariyam

Author(s): Nemichandrasuri, Jitendra B Shah, Rupendrakumar Pagariya
Publisher: L D Indology Ahmedabad

Page 688

६५९
८४६४ ॥
भुवनपईवनिवकहा सव्वप्पणा परायत्तमाणसो दंसिओ वयस्सेण । मह कहिऊणं तुह दंसणाणुरायाओ वियलत्तं ॥ ८४६४ ॥ तो तं संठावेउं तुह पासे हं समागया सुहयर ! । ता नररयणस्स तुम समीहियं कुणसु पसिऊणं ॥ ८४६५ ॥ तं सोउं सा असई नियणयणउम्मीलमाणउम्माया । जंपइ तुहोवरोहा अंबं ! अकज्जं पि हु करिस्सं ॥ ८४६६ ॥ तो तीए जंपियं पुव्वगोउरद्दारदेसदेवउले ।। आगंतुं मिलियव्वं निसाए पत्तस्स तस्स तए ॥ ८४६७ ॥ एवं निसुय तदुत्तीए तीए गंतूण कित्तिसारते । नीओ देवउले सो धणावली विय समणुपत्ता ॥ ८४६८ ॥ कुमईए जंपियं इह पविसिय मज्झम्मि रमह सच्छंदं । लोयागमणालोयणपरादुवारे हमच्छिस्सं ॥ ८४६९ ॥ तो मज्झ पविठेसुं तेसुक्कंठा विसंठुलंगेसु । तीए कहियं आरक्खियस्स गंतूण तं झ त्ति ॥ ८४७० ।। तो संनद्धधणुद्धरअसिखेडयकरभडेहिं चउपासं । परिवेढियदेवउलं स आह गोसे धरिस्समिमे ॥ ८४७१ ॥ तो निग्गमप्पवेसा न कस्सइ देया इह त्ति भणिय भडे । तूण मंति-निवईण कहियं तव्वइयरं सुत्तो ॥ ८४७२ ॥
ठूणं सेट्ठिसुओ देवउलं घडिय भडदढावेढं । उब्भूयभूरिभयवेविरंगजट्ठी विचिंतेइ ॥ ८४७३ ॥ पेच्छ जहा मज्झ महावसणमिणं दुस्सहं समणुपत्तं । जीवियमरणसरूवे संदेहे जेण पडिओ हं ॥ ८४७४ ॥ 'पुव्विल्लब्भवसमुन्भवपावपब्भारभावओवस्सं । सुनयाणं पि अवाया इंति न किं कयअनीईणं ॥ ८४७५ ॥ गोसे बंधेउं मं नेही आरक्खिओ विवणिवीहिं । जणयाइजणसमक्खं विडंबिही विविहवयणाहिं ॥ ८४७६ ॥