Ananthnath Jina Chariyam

Author(s): Nemichandrasuri, Jitendra B Shah, Rupendrakumar Pagariya
Publisher: L D Indology Ahmedabad

Page 763

७३४
तम्मज्झाओ महाधूमो दीहसप्पो व्व निग्गओ । तओ तुट्टंतजालोली ठिओ पलयानलो ॥ ९४३३ ॥ पवत्तो मंडलीवाओ उक्खाया तेण पायवा । पणट्ठा पक्खिणा ठाणं को न सा वायमुज्जए || ९४३४ ॥
सिरिअणंतजिणचरियं
फुट्टेति सतडक्कारं सुक्कवंसा समंतओ ।
निवडंति असाहारा दड्ढमूला महीरुहा ॥ ९४३५ ॥ कारुन्नसीलसारस्स अद्धद्धसरीरिणो । उप्पायंति पणस्संता पसुणो विस्सरारवा ॥ ९४३६ ॥ जत्तो जत्तो पलोएइ पेच्छए तत्थ तत्थ सो । पंजरे खित्तमत्ताणमग्गिजालावली कए || ९४३७ ॥ अग्गितावेण डज्झतो महासत्तो विचितए । एस सोवसरो पत्तो सीहवित्तीए संपयं ॥ ९४३८ ॥ जाव नो जलणज्जाला भासी कुव्वंति मे तनुं । तावप्पणो हियं काहं एवं चिंतिए जंप ॥ ९४३९ ॥ नमो सव्वजिणिंदाणं सव्वसोक्खाण दाइणं ।
नमो समग्गसिद्धाणं निट्ठियट्ठाणसव्वया ॥ ९४४० ॥ नमो परोवयारीण सव्वसूरीण भावओ । आगमं नूण भत्तीए नमो अज्झावयाण य ।। ९४४१ ।। पसंतचित्तवित्तीण नमो साहूण सायरं ।
एवं संथुणए जाव सीलसारसुसावओ ।। ९४४२ ।। ता किंकिणीरणक्करसारं पत्तं विमाणयं ।
सिंगारी खेय एगो तम्मज्झाओ विणिग्गओ || ९४४३ ॥ आगंतुं सीलसारंते आह भो ! कट्ठमागयं । अवस्सं भाविभावम्मि कट्ठे किं सो पयंप ।। ९४४४ ।।
जंपए खेय भद्द ! ठाणे आवायवज्जिए । संपयं तं विमुंचामि ममुत्तम्मि अणुट्ठिए ।। ९४४५ ॥