Ananthnath Jina Chariyam

Author(s): Nemichandrasuri, Jitendra B Shah, Rupendrakumar Pagariya
Publisher: L D Indology Ahmedabad

Page 717

૬૮૮
सिरिअणंतजिणचरियं चत्तो रत्तो वि पिओ भवम्मि पुव्वे इमाए कुवियप्पा । इय चिंतिय कुविएण व कामेण सरेहिं पहिया सा ॥ ८८३९ ॥ दाहो वाहो कंपो हियए नयणेसु देहजट्ठीए । तव्वेलं चिय तीए संजाया सत्तिया भावा ॥ ८८४० ॥ अरईसयगसिक्कारवसविणिक्खंतरत्तदंतपहं । हिययम्मि अमायंतं उव्वणमइ पियाणुरायं व ॥ ८८४१ ॥ असुहपसरप्पकंपिरकडजुयनहसुत्तिकंतिपसरेण । धवलंती चंदणरसपंकेण व ताविलं देहं ॥ ८८४२ ॥ ईय पसरियनियपियविरहतावदावग्गिदज्झमाणतणू । उव्वेया वेयवसा बाला कळं दसं पत्ता | ८८४३ ॥ गरुयाणुणयपुरस्सरपुच्छंतसहीणसाहिओ तीए । पुव्वप्पियम्मि भुवणप्पमोयगे निवसुए नेहो ॥ ८८४४ ॥ भणई य जइ तमहं पुव्वभवपियं हे सहीओ न लहेमि । देमि धुवं ता जलणस्स आहुई नियसरीरेण ॥ ८८४५ ॥ नहयरनाहस्स सहीहिं साहिओ तीए निय सुए राओ । तो से तोसो जाओ सुयाए कुमराणुरत्ताए ॥ ८८४६ ॥ जंपइ पन्नत्तिं देवयं निवो देवि ! आणसु कुमारं । अच्चाहियं न जायइ जा मह जीवियसमसुयाए ॥ ८८४७ ॥ तो इह देवी पत्ता पत्ते कुमरम्मि रम्ममुज्जाणं ।। काऊण किन्नरीपेच्छणच्छलंतीए हरिओ सो ॥ ८८४८ ॥ नेउं रहनेउरचक्कवालनयरम्मि नहयरिंदस्स ।। सो उवणीओ तीए सह कुमरीए पमोएण ॥ ८८४९ ॥ कयगोरवेण कुमरस्स राइणा कहिय कन्नया चरियं । भणियं पुव्वभवपियं परिणसु तं वच्छ ! मह दुहियं ॥ ८८५० ॥ तं सोउं जाईसरणनायनियपुव्वजम्मवुत्तो । जंपइ तए जमुत्तं काहं सव्वं पि तं किंतु ॥ ८८५१ ॥