Agam Sutra Satik 07 Upashakdasha AngSutra 07

Author(s): Dipratnasagar, Deepratnasagar
Publisher: Agam Shrut Prakashan

Page 9

२६२
उपासकदशाङ्गसूत्रम् १/५ मू. (५) एवं खलुजंबू! तेणं कालेणं तेणं समएणं वाणियगामे नामंनयरे होत्था, वण्णओ, तस्सणं वाणियगामस्स नयरस्स बहियाउत्तरपुरच्छिमे दिसीभाए दूइपलासए नामंचेइए, तत्थणं वाणियगामे नयरे जियसत्तू राया होत्या वण्णओ, तत्थ णं वाणियगामे आनंदे नाम गाहावई परिवसइ, अड्डे जाव अपरिभूए ।।।
तस्सणं आनंदस्स गाहावइस्स चत्तारि हिरण्णकोडीओ निहाणपउत्ताओ चत्तारि हिरण्ण कोडीओ वुड्डिपउत्ताओ चत्तारि हिरण्णकोडिओपवित्थरपउत्ताओचत्तारिवया दसगोसाहस्सिएणं वएणं होत्था ।। सेणं आनंदे गाहावई बहूण राईसर जाव सत्थवाहाणं बहूसु कज्जेसु य कारणेसुय मन्तेसुयकुडुम्बेसुयगुज्झेसुय रहस्सेसुयनिच्छएसु यववहारेसुय आपुच्छणिजे पडिपुच्छणिज्जे सयस्सवियणं कुडुम्बस्स मेढी पमाणं आहारे आलम्बणं चक्खू, मेढीभूए जाव सव्वकजवावए यावि होत्था ।।
तस्सणंआनंदस्स गाहावइस्स सिवानंदानामंभारिया होत्था, अहीण जावसुरुवाआनंदस्स गाहावइस्स इट्ठा आनंदेणं गाहावइणा सद्धिं अमुरत्ता अविरत्ता इट्टा सद्द जाव पञ्चविहे माणुस्सए कामभोए पच्चणुभवमाणी विहरइ॥तस्सणं वाणियगामस्स बहिया उत्तरपुच्छिमे दिसीभाए एत्य णं कोल्लाए नामं सन्निवेसे होत्था, रिद्धस्थिमिय जाव पासादीए ४॥।
तत्थणं कोल्लाए सन्निवेसे आनंदस्स गाहावइस्स बहुए मित्तनाइयगसयणसम्बन्धिपरिजणे परिवसइ, अड्डेजाव अपरिभूए। तेणं कालेणं तेणं समएणं समणे भगवं महावीरे जाव समोसरिए, परिसा निग्गया, कोणिए राया जहा तहा जियसत्तू निग्गच्छइ २ ताजाव पञ्जुवासइ ।।।
तएणं से आनंदे गाहावई इमीसे कहाए लढे समाणे एवं खलु समणे जाव विहरइ, तं महाफलंजाव गच्छामिणंजाव पञ्जुवासामि, एवं सम्पेहेइ २ ताण्हाए सुद्धप्पावेसाइंजाव अप्पमहग्घाभरणालतियसरीरे सयाओ गिहाओ पडिनिक्खमइ २ त्ता सकोरण्टमल्लदामेणं छत्तेणं धरिजमाणेणं मणुस्सवगुरापरिक्खित्ते पायविहारचारेणंवाणियगामंनयरंमझमझेणं निग्गच्छइ २ ता जेणामव दूइपलासे चेइए जेणेव समणे भगवं महावीरे तेणेव उवागच्छइ २ ता तिखुत्तो आयाहिणं पयाहिणं करेइ २ ता वन्दइ नमसइ जाव पजुवासइ ।
वृ. 'प्रविस्तरो' धनधान्यद्विपदचतुष्पदादिविभूतिविस्तरः, 'व्रजा' गोकुलानि, दशगोसाहसिकेण-गोसहस्रदशकपरिमाणेनेत्यर्थः।
मू. (६) तए णं समणे भगवं महावीरे आनंदस्स गाहावइस्स तीसे य महइमहालियाए जावधम्मकहा, परिसा पडिगया, राया य गए।
मू. (७) तएणं से आनंदे गाहावई समणस्स भगवओ महावीरस्स अन्तिए धम्मं सोचा निस्स हट्टतुट्ठ जाव एवं वयासी-सदहामिणंभंते ! निग्गन्थं पावयणं पत्तियामिण भंते! निग्गन्थं पावयणं रोएमिणंभंते! निग्गंथं पावयणंएवमेयंभंते तहमेयंभंते! अवितहमेयं भंते इछियमेयं भंते ! पडिच्छियमेयं भंते ! इच्छियपडिछियमेयं भंते!से जहेयं तुब्भे वयत्तिकट्टु,
___ जहा णं देवाणुप्पियाणं अंतिए बहवे राईसरतलवरमाडम्बियकोडुम्मबिय- सेहिसैणावइसत्थवाहप्पिइओ मुण्डे भवित्ता अगाराओ अनगारियं पव्वइया नो खलु अहं तहा संचाएमि मुण्डे जाव पव्वइत्तए, अहंणं देवाणुप्पियाणं अन्तिए पञ्चाणुव्वइयंसत्तसिक्खावइयंदुवालसविहं गिहिधम्म पडिवञ्जिस्सामि, अहासुहं देवाणुप्पिया! मा पडिबंन करेह ॥