Agam Sutra Satik 07 Upashakdasha AngSutra 07

Author(s): Dipratnasagar, Deepratnasagar
Publisher: Agam Shrut Prakashan

Page 22

अध्ययनं-१,
२७५
वृ. लहुकरण'इत्यत्र यावत्करणात् 'लहुकरणजुत्तजोइयमित्यादिनिवर्णको व्याख्यास्यमान-सप्तमाध्ययनादवसेयः॥
मू. (१२) भंतेत्ति भगवंगोयमे समणंभगवंमहावीरं वंदइनमसइ २ ता एवंवयासी-पहू गंभन्ते! आणंदे समणोवासए देवाणुप्पियाणं अंतिए मुण्डे जाव पव्वइत्तए?, नो तिणढे समझे, गोयमा ! आनंदे णं समणोवासए बहूई वासाइं समणोवासगपरियागं पाउणिहिइ २ त्ता जाव सोहम्मे कप्पे अरुणे विमाणे देवत्ताए उववजिहिइ।।
तत्थ णं अत्गइयाणं देवाणं चत्तारि पलिओवमाइं ठिई पन्नत्ता । तत्थ णं आनंदस्सऽवि समणोवासगस्स चत्तारि पलिओवमाई ठिई पन्नत्ता ।।
तएणं समणे भगवं!महावीरे अन्नया कयाइ बहिया जाव विरहइ। वृ. 'महावीरस्स अंतियंति अनते भवा आन्तिकी महावीरसमीपाभ्युपगतेत्यर्थः ।
मू. (१३) तए णं से आनंदे समणोवासए जाव अभिगयजीवाजीवे जाव पडिलाभेमाणे विहरइ । तए णं सा सिवानंदा भारिया समणोवासिया जाया जाव पडिलाभेमाणी विहरइ।।
मू. (१४) तए णं तस्स आनंदस्स समणोवासगस्स उच्चावएहिं सीलव्वयगुणवेरमणपच्चक्खाणपोसहोववासेहिं अप्पाणं भावमाणस्स चोद्दस संवच्छराइं विकंताई, पन्नरसमस्स संवच्छरस्स अंतरा वट्टमाणस्स अन्नया कयाइ पुव्यरत्तावरत्तकालसमंयसि धम्मजागरियं जागरमाणस्स इमेयारूवे अज्झथिए चिन्तिए पत्थिए मणोगए संकङ्कप्पे समुप्पजित्था
एवं खलु अहं वाणियगामे नयरे बहूणं राईसर जाव सयस्सवि य णं कुडुम्बस्स जाव आधारे, तंएएणं विक्खेवेणं अहंनो संचाएमिसमणस्स भगवओ महावीरस्स अंतियं धम्मपन्नत्तिं उवसम्पञ्जित्ताणं विहरित्तए। .
तंसेयं खलु ममं कल्लंजाव जलन्ते विउलं असनंजहा पूरणो जावजेट्टपुत्तं कुडुम्बे ठवेत्ता तंमित्तंजावजेदुपुत्तंचआपुच्छित्ता कोल्लाए सन्निवेसे नायकुलंसि पोसहसालं पडिलेहिता समणस्स भगवओ महावीरस्स अंतियं धम्मपन्नत्तिं उपसम्पज्जित्ता णं विहरित्तए।
एवं संपेभेइ २ ता कलं विउलं तहेव जिमियभुत्तुत्तरागए तं मित्त जाव विउलेणं पुष्फ ५ सक्कारेइ सम्माहेइ २ ता तस्सेव मित्त जाव पुरओ जेट्टपुत्तं सद्दावेइ २ ता एवं वयासी-एवं खलु पुत्ता! अहं वाणियगामे बहूणं राईसर जहा चिन्तियंजाव विहरित्तए, तंसेयं खलु मम इदानिं तुम सयस्स कुडुम्बस्स आलम्बणं ४ ठवेत्ता जाव विहरित्तए॥
तए णं जेट्ठपुत्ते आनंदस्स समणोवासगस्स तहत्ति अयमटुं विनएणं पडिसुणेइ ।। तएणं सें आंनदे समणोवासए तस्सेव मित्त जाव पुरओ जेट्टपुत्तं कुडुम्बे ठवेइ र त्ता एवं वयासी-माणं देवाणुप्पिया! तुब्भे अज्जप्पभिई केइ मम बहूसु कजेसु जाव आपुच्छउ वा पडिपुच्छउ वा ममं अट्ठाए असनं वा ४ उवक्खडेउ वा उवकरेउ वा ।।
तए णं से आनंदे समणोवासए जेट्टपुत्तं मित्तनाई आपुच्छइ २ ता सयाओ गिहाओ पडिनिक्खमइ २ तावाणियगामं नयरं मझं मझेणं निग्गच्छइ २ ता जेणेव कोल्लाए सन्निवेसे जेणेव नायकुले जेणेव पोसहसाला तेणेव उवागच्छइ २ ता पोसहसालं पमञ्जइ २ ता उच्चारपासवणभूमि पडिलेहेइ २ ता दन्भसंथारयं संथरइ, दब्मसंधारयं दुरूहइ २ त्ता पोसहसालाए पोसहिए