Agam 43 Mool 04 Uttaradhyayan Sutra Part 01

Author(s): Kamalsanyamvijay, Vajrasenvijay
Publisher: Bhadrankar Prakashan

Page 432

३९८
उत्तरज्झयणाणि-१
एको दष्टों भुजङ्गेन निर्गत्य वटकोटरात् । द्वितीयस्तमहिं द्रष्टुं दष्टस्तेनाहिना भ्रमन् ॥१०॥ ततो द्वावपि जज्ञाते मृतौ कालिञ्जरे नगे । हरिण्यां यमलत्वेन मृगौ प्राक्प्रीतियोगतः ॥ ११॥ नैकट्येन चरन्तौ तौ व्याधेनैकेषुणा हतौ । ततो गङ्गातटे हंसावभूतां हंसिकोदरात् ॥१२॥ सममेव भ्रमन्तौ तौ बद्ध्वा पाशिकयैकया । मारितौ गलमामोट्य धीवरेण कुधीयुजा ॥१३॥ ततः सुरसरितीरे काश्यां तौ समजायताम् 1 श्वपचेड्भूतदिन्नस्य समृद्धस्य गृहे सुतौ ॥१४॥ पित्रा नाम तयोर्दत्तं चित्रः सम्भूतकस्तथा । वर्धमानौ क्रमाज्जातौ तौ कलाग्रहणोचितौ ॥१५॥ काश्यां तदा नृपो जज्ञे शङ्खनामा पराक्रमी । नमुचिः सचिवस्तस्य राज्यकार्यकरः सुधीः ||१६|| दत्तस्तत्रान्यदा राज्ञा नमुचिः सचिवो द्विजः । तन्मातङ्गाय बध्योऽयं यतः शुद्धान्तधर्षकः ॥१७॥ तेनोचे यदि मत्पुत्रौ विद्यां पाठयसे तदा । मुञ्चामि नान्यथा मेऽत्र राज्ञामाज्ञा हि दुस्त्यजा ||१८|| स्वीकृत्य तद्वचो मन्त्री पाठयामास तत्सुतौ । सङ्गीतकादिशास्त्राणि तद्गृहान्तर्वसन् सदा ॥ १९॥ तयोर्मातुः करात् तत्र भोजनाद्यपि सोऽकरोत् । किं कुर्याज्जीवितव्यार्थी न ह्यनाचारमप्यहो ! ॥२०॥ क्रमात् तौ वेणु-वीणादिविद्यानां पारदृश्वकौ । जातौ मोहोदयान्मन्त्री तयोर्जञ्जभ्यते प्रसूम् ॥२१॥ मातङ्गस्तस्य जारत्वं ज्ञात्वैच्छत् तं विनाशितुम् । तौ च विद्यागुरुरिति नाशयामासतुस्तकम् ॥२२॥ मुष्टिं बद्ध्वा ततो नष्टो हस्तिनागपुरं गतः । मन्त्रित्वेऽस्थापि नमुचिः सनत्कुमारचक्रिणा ॥२३॥