Agam 43 Mool 04 Uttaradhyayan Sutra Part 01

Author(s): Kamalsanyamvijay, Vajrasenvijay
Publisher: Bhadrankar Prakashan

Page 459

४२५
चतुर्दशमिषुकारीयाध्ययनम्
ते साधवस्ततो ग्रामाद् भक्ताद्यानीय तस्य हि । वटस्याधः क्षणं स्थित्वा भोक्तुं लग्नाः समाहिताः ॥२४।। तौ दारकौ वटारूढौ पश्यतः प्राशन्तो मुनीन् । स्वाभाविकं भक्त-पानं मांसं नैवात्र किञ्चन् ।।२५।। ध्यात्वेतीदृशि रूपाणि दृष्टपूर्वाणि कुत्रचित् । जाति सस्मरतुः पूर्वामीहापोहेन तौ निजाम् ॥२६॥ साधून् नन्तुं समुत्तीर्णौ वटात् तौ विस्मयोत्सुकौ । धर्ममाकर्ण्य साधुभ्य उपतातं समागतौ ॥२७॥ ताभ्यां सम्बोधितौ माता-पितरौ धर्मसूक्तिभिः । सम्बुद्धा श्रुततद्वार्ता राज्ञी च कमलावती ॥२८॥ तया च बोधितो भूपः ते षडप्येकचेतसः । भवभ्रमभयोद्विग्नाः संवेगावेगभाविताः ॥२९।। तत्साधुसविधे शुद्धा जगृहुव्रतमुत्तमम् । तप:शोषितसर्वाङ्गाः सिद्धान्ताभ्यासलालसाः ॥३०॥ सर्वेऽपि ते शुभध्याना हत्वा दुष्कर्मसन्ततिम् ।
केवलज्ञानमुत्पाद्य सम्प्रापुः परमं पदम् ॥३१॥ इह प्रसङ्गतोऽभिहितोऽयमर्थः । अथैतदनुगतं सूत्रं व्याख्यायते
देवा भवित्ताण पुरे भवंमि केई चुया एगविमाणवासी ।
पुरे पुराणे इसुयारनामे खाए समिद्धे सुरलोयरम्मे ॥१॥
व्याख्या-देवा भूत्वोत्पद्य 'पूरे भवंमि' त्ति पूर्वे भवे केचिदिति प्रागुक्ता गोपजीववयस्याश्च्युताः । किम्भूताः ? 'एग'त्ति एकस्मिन् विमाने नलिनीगुल्मनाम्नि वसनन्तीत्येवंशीला एकविमानवासिनः । क्व च्युताः ? इत्याह-पुरे नगरे पुराणे चिरन्तने इषुकारनाम्नि ख्याते प्रसिद्ध समृद्धे ऋद्धिमत्यत एव सुरलोकरम्ये देवलोकवद् रमणीये
॥१॥
ते च किं सर्वथोपभुक्तभोगफलकर्माण एव ततश्च्युताः ?, उत अन्यथेत्याह
सकम्मसेसेण पुराकएणं कुलेसुदग्गेसु य ते पसूया । निम्विन्नसंसारभया जहाय जिणिंदमग्गं सरणं पवन्ना ॥२॥