________________
નજર સામે રાખી શ્વેતાંબરશ્રમણાગણી, વાઝેવીપ્રદત્તવરથી વિભૂષિત, કવિચક્રવર્તિપદથી શોભતા, પ્રજ્ઞાચૂડામણિ, પરોપકારપરાયણ એવા આચાર્યશ્રી અમરચન્દ્રસૂરિ મહારાજે સ્વપરનાં આત્મશ્રેયને સમજી આ ગ્રંથની રચના કરી છે.
આચાર્યશ્રી અમરચન્દ્રસૂરિ મ. નો ચોક્કસ સમયકાળ (સ્થિતિનિર્ણય) માટે કોઈ પ્રબળપુરાવા અદ્યાવધિ મળ્યા નથી. છતાં અનુમાનથી તેમનાં સમયકાળને તેમની કૃતિઓથી, શ્રી રાજશેખરીય પ્રબંધકોશનાં આધારે (સં. ૧૪૦૫) સમકાલીન મહાપુરુષોનાં આધારે અને ઐતિહાસિક લેખનાં માધ્યમથી પ્રો. હિ. ૨. કાપડિયાએ “ભૂમિકા' શિર્ષક તળે લખાયેલ લેખમાં અટકળે સમયકાળ તેરમા સૈકાનો ઉત્તરાર્ધ અને ચૌદમા સૈકાનો પૂર્વાર્ધ તરીકે ગણાવ્યો છે. તે અનુમાન સત્ય હોવાના ઘણા કારણો મોજુદ છે. તેને વિગતે જોઈએ.
આચાર્ય શ્રી અમરચંદ્રસૂરિજીનો સત્તાકાળ મહારાજા વિશલદેવનાં શાસનકાળ દરમ્યાન થયા હોવાની વાત પ્રબંધકોશકારે કરેલી છે. તો મહારાજા વિશલદેવનો રાજ્યસમયનો નિર્ણય પ્રો. હિ. ૨. કાપડિયાએ આબુપર્વત ઉપર રહેલા વિમલવહિકાનાં જિનમંદિરમાં પ્રવેશતાં મૂલપ્રશસ્તિસ્થાનથી ડાબીબાજુ પાંચ દેવકુલિકા પૂર્વે દેવકુલિકાની બહાર કાળા પથ્થર ઉપર લખાયેલ શિલાલેખ અક્ષરશઃ રજુ કરેલ છે. તેમાં શ્રી મહારાજા વિશળદેવનો સમય વિ. સં. ૧૩૫૦ નો સ્પષ્ટ ઉલ્લેખ છે. અને તેમના શાસનકાળ દરમ્યાન જ આચાર્ય શ્રી અમરચન્દ્રસૂરિજીની સ્થિતિનો નિશ્ચય થાય છે. ખ્રિસ્તી સન્ પ્રમાણે પૂજ્ય ગ્રન્થકારશ્રી તેરમા સૈકામાં થયા તેમ કહી શકાય.
li
