________________
પુનઃ સંપાદન વેળાએ...
પ્રસ્તુત શ્રી વિભક્તિવિચારપ્રકરણનો પૂજ્ય પંન્યાસપ્રવરશ્રી માનવિજયજી ગણિવર (પાછળથી પૂ. આ. શ્રી માનદેવસૂરિ મ. સા.) ભાવાનુવાદ કરેલ તેનું સંપાદન વિ. સં. ૨૦૦૭માં મારા પરમતારક ગુરુદેવશ્રીજીએ કરેલ તે ગ્રંથને પ્રગટ થયાને ૬૨-૬૩ વર્ષ થઈ ગયા હોવાથી અપ્રાપ્ય બનતા અને સંક્ષિપ્તરુચિવાળા જીવોને લાભદાયી હોવાથી પુનઃ સંપાદન કરીને પ્રાપ્ય બનાવાઈ રહ્યો છે. આમાં કોઈ સુધારા-વધારા કર્યા નથી માત્ર-કર્તાના સંબંધમાં મારા ગુરુદેવે જે સમયગાળાની આશંકા વ્યક્ત કરી છે તે સમયગાળામાં વાયડગચ્છીય આ. શ્રી અમરચંદ્રસૂરિ મ. થયા છે જેની નોંધ “ચતુર્વિશતિ જિનેન્દ્ર ચરિતાનિ” ગ્રંથના સંપાદક મુનિશ્રી જગચંદ્રવિજયજી ડેલાવાળા (હાલ-આચાય) એ ગ્રંથ અને ગ્રંથકારની કરેલી નોંધ મારા જોવામાં આવી તેથી આમાં ઉમેરેલી છે. આ ગ્રંથ કોઈ સંસ્કૃતવ્યાકરણવિષયક નથી પરંતુ જૈનદર્શનના પદાર્થના સંગ્રહ સ્વરૂપ છે તેનો ગુરુગમથી વ્યવસ્થિત અભ્યાસ કરી કર્મનિર્જરા કરવા દ્વારા સૌ કોઈ શીધ્ર પરમપદને પામે એજ શુભાભિલાષા.
પૂજ્યપાદ તારકગુરુદેવ સ્વ. પંન્યાસપ્રવરશ્રી કાંતિવિજયજીગણિવરનો વિનય
નરચંદ્રસૂરિ વિ. સં. ૨૦૬૯ આ. સુ. ૧, દશેરા પુ. રા. જૈન આરાધના ભવન સાબરમતી, અમદાવાદ
