Shatrunjay Tirthni Mahatta

Author(s): Prabhudas Bechardas Parekh
Publisher: Prabhudas Bechardas Parekh

Page 7

જાળવવાનો, બીજા પગથિયામાં તેની જાળવણી કરવાને બહાને કબજો ! લેવાનો, ત્રીજા પગથિયામાં પર્યટન સ્થળ તરીકે વિકસાવવાનો, ચોથા પગથિયામાં આધ્યાત્મિક વિકાસમાં તેની પ્રેરકતા તોડવાનો છે અને છેવટના પગથિયામાં તેની ધર્મના તીર્થ તરીકેની પ્રતિષ્ઠા તોડવાનો છે.
ખૂબ સાવધાન મનથી, કોઈ જાતના પૂર્વાગ્રહ વિના, જાગતા મનથી સુધબુધપૂર્વક (ઊંઘ કે સ્વપ્નમાં નહીં) પંડિતજી પત્ર લખે છે અને પત્ર લખવાના પવિત્ર આશયની પણ સ્પષ્ટતા કરી છે. અનેક પુરાવા-પ્રમાણ ઘટનાઓના સૂક્ષ્મ અભ્યાસ, આગળ પાછળના ઐતિહાસિક બનાવોનું સંકલન-સંશોધન વગેરે ઉપરથી દરેક હકીકતો જણાવાઈ છે. એમને એમ ગપગોળા ચલાવવામાં આવ્યા નથી, એવું પંડિતજી દૃઢતાપૂર્વક કહે છે. દા.ત. શ્રી શત્રુંજય તીર્થરાજ ઉપર હોટલ કરવાની સરકારની તૈયારી, યાત્રિકો (પ્રવાસીઓ?) ને ઉઠવા બેસવાની સગવડ, પગથિયા તથા શ્રી શત્રુંજયના આલબમની ગુજરાતના ગર્વનર મારફત પોપને અપાયેલી ભેટ, ઊભી થઈ રહેલી અનેક અદ્યતન ધર્મશાળાઓ વગેરે વગેરે.
આ પણ મહાતીર્થ અને તેના પ્રભાવ ઉપરના ઘરમાંથી જ આક્રમણો છે. ગૂઢ – ગુપ્ત - અવ્યક્ત - ભાવ આક્રમણ છે. જે વધારે કાતિલ અને ખતરનાક હોય છે. બાહ્ય આશાતના કરતાં આ મહાન આશાતનારૂપ છે.
વર્તમાને તો આમાંથી ઘણી બાબતોને વાસ્તવીકરૂપ પ્રાપ્ત થઈ ચૂક્યું છે. હજી નવી ઘણી બાબતો વર્તમાન ગુજરાત સરકાર દ્વારા કરવામાં આવી રહી છે. જેમાં મુખ્યત્વે શ્રી ગિરિરાજને પર્યટન સ્થાન તરીકે વિકસાવી આંતરરાષ્ટ્રીય પ્રવાસન સ્થળનો દરજ્જો આપવા (યાત્રાધામ?) તીર્થરક્ષાના બહાના હેઠળ આંતરરાષ્ટ્રીય નાણાકીય સંસ્થાઓ નાણાકીય સહાય પૂરી પાડવા તત્પર છે. પણ આ પાછળ તેમની મેલી મૂરાદ તીર્થ પર કબ્બો કરી તેને વર્લ્ડ હેરિટેજમાં સ્થાન આપવાની છે અને જેની પાસેથી તે તીર્થ પરનો અધિકાર છીનવી લેવાની છે.
આપણે અલૌકિક અને આધ્યાત્મિક દૃષ્ટિથી આવા મહાન તીર્થને જોઈએ છીએ, જ્યારે તેઓ પોતાની લૌકિક દૃષ્ટિથી જુએ છે; તેમ જ આપણી જ પ્રજાને પણ આધુનિક શિક્ષણ દ્વારા તે જ દૃષ્ટિથી જોતા કરે છે. આ કાર્ય એક