________________
3
નંદવંશનો નવ રાજ્યોદય
ભગવાન શ્રી મહાવીર દેવના નિર્વાણ બાદ ૬૦ વર્ષ પછી મગધની ક્ષિતિજે જેના દ્વારા નંદવંશનો નવ રાજ્યોદય થયો, એ રાજવી નંદ એટલો બધો પરાક્રમી અને પુણ્યશાળી હતો કે, એની પછી મગધના સમ્રાટ બનેલા નવે નવ રાજાઓ નંદ તરીકે જ ઓળખાયા. ઓળખાણ માટે એમની આગળ પહેલો નંદ, બીજો નંદ, આમ સંખ્યાવાચક શબ્દ મૂકાતો ખરો, પણ મુખ્યત્વે એ બધા રાજાઓ નંદ તરીકે જ પ્રસિદ્ધ થયા. એમના નામો આ રીતનાં હતાં : નંદ તેમજ નંદિવર્ધન, મહાનંદી, મહાનંદ, સુમાલી, બૃહસ્પતિમિત્ર, ધનનંદ, બૃહદર્ય, સુદેવ, મહાપદ્મ. આ નવ નંદોના
