________________
શાસનનું કેન્દ્ર બનાવવામાં આપ સૌનો સ્વ-પરોપકાર સહકાર અપેક્ષિત છે. મને આશા જ નહિ, વિશ્વાસ છે કે, મારી આ અપેક્ષા આપ સૌની પણ અપેક્ષા હશે જ !”
ખારવેલે પોતાની ભાવનાસૃષ્ટિ ખૂબ જ ટુંકા છતાં ભાવવાહી શબ્દોમાં રજૂ કરી. આ રજૂઆતની પાછળ એમની વાચાનું જ નહિ, એમની નાભિના નાદનું પણ પીઠબળ હતું. હૈયાની વિનંતિને શબ્દોમાં રજૂ કરતાં-કરતાં કંઈ કેટલીયવાર એઓ ગળગળા બની ગયા હતા, કેટલીય વાર એમના ગળે ડૂમો ભરાઈ આવ્યો હતો અને કઈ કેટલીયવાર કોઈ અનેરા ભાવાવેશમાં એઓ ખોવાઈ ગયા હતા. જીવનમાં મળેલી આ ધન્યતાને આવકારવા એમને શબ્દો ન જડતા હોય, એવું પણ અનેકવાર ચતુર્વિધ સંઘે અનુભવ્યું હતું.
ખારવેલના નામ આગળ ગાજતા કલિંગ ચક્રવર્તી અને મહા મેઘવાહન જેવા વિશેષણો સાંભળીને સૌએ એમનું જે વ્યક્તિત્વ-કૃતિત્વ કહ્યું હતું, એના કરતાં અત્યારે મળતું આ પ્રત્યક્ષ દર્શન તો કોઈ જુદું જ અને છતાં ભવ્યાતિભવ્ય હતું. સૌને થયું કે, ખરેખર આ વ્યક્તિભક્તિ-શક્તિ તો “ભિક્ષુરાજ”ના વિશેષણને જ શોભાવે એવી છે. ભિક્ષુરાજની ભાવનાના બોલ એ ગુફાઓમાં ઘણીવાર સુધી ગુંજારવ કરતા રહ્યા, કરતાં જ રહ્યા.
શ્રમણ-પરિષદની દર્શનીયતા અદ્ભુત અને અનેરી હતી! જીવનની અંત-ઘડીએ પણ આ દર્શનીયતાની સ્મૃતિ થઈ આવે, તો ભાવિના ભવોભવની પરંપરા ભવ્ય બની ઉઠ્યા વિના ન જ રહે! જિનકલ્પની તુલના કરનારા શ્રી આર્યમહાગિરિજીની પરંપરાના પ્રકાશ- સ્તંભ સમા આચાર્યો : શ્રી બલિસ્ટમાચાર્ય, શ્રી બોધિલિંગાચાર્ય, શ્રી દેવાચાર્ય, શ્રી ધર્મસેનાચાર્ય, શ્રી નક્ષત્રાચાર્ય આદિ જિન-કલ્પી-તુલ્ય ૨00 ઉપરાંત સાધુઓનું સંયમતેજ એ સંમેલનમાં એક તરફ ઝગારા મારી રહ્યું હતું. તો બીજી તરફ આર્ય શ્રી સુપ્રતિબદ્ધસૂરિજી, શ્રી ઉમાસ્વાતિજી, શ્રી શ્યામાચાર્યજી આદિ ૩૦૦થી પણ વધારે સ્થવિર કલ્પી સાધુઓ બિરાજ્યા
૧૧૪ ૧૧૧૧૧૧૧૧૧૧૧૨૦૦
~~~~~~~~~ મહારાજા ખારવેલ
