________________
મહારાજા ખારવેલ જે પુષ્યમિત્રનું પાણી ઉતારીને જૈન જગત માટે એક સોનેરી ઇતિહાસનું સર્જન કરી ગયા, એ પુષ્યમિત્ર જ જૈન શાસ્ત્રોમાં વર્ણિત કલ્કિ રાજા અને પુરાણોમાં સમર્પિત કલ્કિ અવતાર હોવાની સંભાવના આધુનિક ઇતિહાસયજ્ઞોએ વ્યક્ત કરી છે. જોકે આમાં “કાલગણના” નો એક મોટો પ્રશ્ન અનુતરિત જ રહે છે. કારણ કે જૈન શાસ્ત્રો કલ્કિનો સમય લગભગ વીરનિર્વાણના ૧૯૦૦ થી વધુ વર્ષો પછીનો ગણાવે છે. જ્યારે પુરાણોમાં કલિયુગના અંત સમયે કલ્કિનો અવતાર સૂચવાયો છે. આમ છતાં, મહારાજા ખારવેલને, ચોમાસામાં ચરીને વધુ માતેલા બનીગયેલા સાંઢ જેવી જે શક્તિને નાથવા બે-બે વાર મગધ પર ચઢાઈ લઈ જવી પડી હતી, એ પુષ્યમિત્રના જુલમોની સરખામણીમાં જૈનશાસ્ત્રોમાં વર્ણિત કલ્કિ રાજાએ મચાવેલ કાળો કેર મળતો આવતો હોઈને, તિત્થોગાલિ-પઈન્નય, કાલ સપ્તતિકા પ્રકરણ, દીપાવલિ-કલ્પ આદિ જૈન શાસ્ત્રોમાં ભગવાન મહાવીર દેવના શ્રીમુખે કલ્કિ રાજાનું જે ભાવિ વર્ણન કરવામાં આવ્યું છે, એનો સાર-સારાંશ જોવો-જાણવો અતિ-ઉપયોગી ગણાશે. એથી અનુમાનોના ઓવારેથી એક અવલોકન મહારાજા ખારવેલના જીવન ઉપર કરવું જ રહ્યું !
ભગવાન શ્રી મહાવીર પરમાત્માએ ભાવિકાળને ભાખતા કલ્કિ, ચતુર્મુખ અને રૂદ્ર : આ ત્રણ નામ ધરાવનારા અને પોતાના નિર્વાણ પછી લગભગ ૧૯૨૮ વર્ષ વીત્યા બાદ થનારા આ રાજાનું જે વર્ણન કર્યું હતું. એ આ વિષયના સૌથી પ્રાચીન ગ્રંથ “તિત્થોગાલી પઈન્નય”માં આ રીતે ઉપલબ્ધ થાય છે.
ભારતના ભાવિને ભાખતા ભગવાન શ્રી મહાવીર પરમાત્મા કહે છે કે ઃ મારા નિર્વાણને ૧૯૨૮ વર્ષ વ્યતીત થશે, ત્યારે પાટલિપુત્રમાં દુષ્ટબુદ્ધિ કલ્કિનો જન્મ થશે. આ સમયે મથુરામાં રામ-કૃષ્ણના મંદિરોનો પણ ધ્વંસ થશે. તેમજ કાર્તિક સુદ ૧૧ સે જનસંહારક એક ભયંકર ઘટના બનશે. આગળ જતા કલ્કિ ચતુર્મુખ અને રૂદ્રના નામેય પ્રસિદ્ધ થશે. આ રાજા એટલો બધો અભિમાની હશે કે, ભલભલા માંધાતા રાજાઓને તરણાની તોલે ગણશે.
૧૨૮ ~~~~~
~~ મહારાજા ખારવેલ
