________________
કલિંગ-જિનની પ્રતિષ્ઠાનું કાર્ય પૂર્ણ થયા બાદ મહારાજા ખારવેલની સમક્ષ ધર્મક્ષેત્રમાં અદા કરવા યોગ્ય જે જવાબદારીઓએ દર્શન દીધા હતા અને એથી એઓનાં દિલની દુનિયામાં જે સ્વપ્નસૃષ્ટિ અવતરી હતી, એમાંનું જ એક મહત્ત્વનું સ્વપ્ન “દ્વાદશાંગીરક્ષા”નું હતું. આ સ્વપ્નની સૃષ્ટિને એક દહાડો ગુરયોગ મળતાં જ ખારવેલે પૂ. આચાર્યશ્રી સુપ્રતિબદ્ધસૂરિજી મહારાજ સમક્ષ ખુલ્લી કરીને માર્ગદર્શન માંગ્યું ! શ્રી સુપ્રતિબદ્ધસૂરિજી પણ આવી જ કોઈ આવશ્યક્તા કંઈ મહિનાઓથી અનુભવી જ રહ્યા હતા. પણ આ કાર્યની વિરાટતા-વિષમતાથી એઓશ્રી પૂરા પરિચિત હતા. એથી અંતરની એ ભાવનાને અંતરમાં જ સમાવી દઈને એઓશ્રી યોગ્ય-કાળની પ્રતીક્ષા કરી રહ્યા હતા. એમાં જ્યારે સામેથી જ મહારાજા ખારવેલે આવી ભાવના વ્યક્ત કરવા પૂર્વક માર્ગદર્શન માંગ્યું, ત્યારે તો એઓશ્રીનું અંતર અનેરા આનંદથી ઉભરાઈ ઉડ્યું. એઓશ્રીએ કહ્યું :
શ્રુત-શૃંખલા જેટલી મજબૂત હશે, એટલું જ શાસન મજબૂત હશે ! માટે દ્વાદશાંગીના સુયોજન ખાતર કંઈક કરવા જેવું તો છે જ. આ માટે વ્યવસ્થિત કાર્ય કરી શકે, એવા કૃતધારકોનો સમૂહ પણ આપણી પાસે છે. એથી એ બધા શ્રતધારકોની પરિષદ જો યોજાય, તો આ શ્રુત-શૃંખલાના અંકોડા પુનઃ મજબૂત બની જાય અને એથી જૈન શાસનની મજબૂતાઈ અનેક ગણી વધી જાય.”
પૂ. આચાર્યદેવે વધુમાં જણાવ્યું કે, મગધમાં જે અરાજક્તા ફેલાયેલી હતી અને એથી જૈન શ્રમણોના વિહારને જે ગંભીર અસર પહોંચી હતી, એ પણ અત્યારે તો નામશેષ બન્યા જેવી છે. માટે દ્વાદશાંગી રક્ષા કાજે કંઈક કરવા માટે આ સમય ઘણો જ સારો ગણાય ! આ પછી આ કર્તવ્ય અંગે ઘણી-ઘણી મહત્ત્વની માર્ગદિશા મેળવીને મહારાજા ખારવેલ
જ્યારે કુમારગિરિની એ ગુફામાંથી પાછા ફર્યા, ત્યારે એમના આનંદનો પાર ન રહ્યો. શ્રમણ-પરિષદનું આયોજન કરવું એ સહેલું કાર્ય નહોતું. પૈસા ઉપરાંત પ્રાણ પૂર્યા વિના આ જવાબદારી અદા થવી, શક્ય ન
મહારાજા ખાર
