Maharaja Kharvel

Author(s): Purnachandrasuri
Publisher: Panchprasthan Punyasmruti Prakashan

Page 59

એથી અનેકના જીવનમાં સાધુત્વના તેજ પાથરતું એ દશવૈકાલિક સૂત્ર સંઘના ભાગ્યોદયે આજે પણ આપણાં શ્રુત વારસામાં સુરક્ષિત છે.
શ્રી શય્યભવસૂરિજી ૬૨ વર્ષનું આયુષ્ય પૂર્ણ થતા સ્વર્ગવાસી બન્યા. એમના પટ્ટધર તરીકે શ્રી યશોભદ્રસૂરિજી પ્રતિષ્ઠિત થયા. મગધમાં અહિંસા-ધર્મની ઠેર-ઠેર પ્રતિષ્ઠા કરવામાં અને નંદ રાજાઓ દ્વારા અભુત શાસન-પ્રભાવના કરવામાં શ્રુતકેવલી અને યુગપ્રધાન તરીકે તેઓ અભુત સફળતા સિદ્ધ કરી શક્યા ! પોતાની પાટે શ્રી સંભૂતિવિજયસૂરિજી અને આ. શ્રી ભદ્રબાહુસ્વામીજી : આ બે મહાપ્રભાવક આચાર્યોને સ્થાપીને ૮૬ વર્ષનું આયુષ્ય પૂર્ણ થતાં શ્રી યશોભદ્રસૂરિજી સ્વર્ગવાસી બન્યા.
ચોરાશી-ચોરાશી ચોવીશી સુધી જેમની બ્રહ્મકીર્તિ અમર રહેવાની છે, એવા સ્થૂલભદ્રજીની ભવ્ય ભેટ ધરી જનારા શ્રી સંભૂતિવિજયસૂરિજી અદ્ભુત શાસનપ્રભાવના કરીને ૯૦ વર્ષની વયે સ્વર્ગવાસી બન્યા. એમની પાટે આમ તો શ્રી સ્થૂલભદ્રજી આવતા, પરંતુ શ્રી સંભૂતિવિજયસૂરિજીના કાળધર્મના સમયે શ્રી સ્થૂલભદ્રજીનો દીક્ષા પર્યાય ઘણો મોટો ન હોવાથી શ્રી ભદ્રબાહુ-સ્વામીજીને પટ્ટઘર બનાવ્યા.
શ્રી ભદ્રબાહુસ્વામીજીએ સિદ્ધાંતોના સાગરનું મંથન કરીને તારવેલા અમૃતને આગમ સૂત્રો પર રચેલી ૧૦ નિયુક્તિઓ દ્વારા પીરસીને અભુત શ્રત-ઉપાસના કરી. એમાં પણ “આવશ્યક નિયુક્તિ”ની રચના દ્વારા તો એઓશ્રી ઉપકારની જે ગંગાને વહાવી ગયા, એનો તાગ પામવો મુશ્કેલ છે. ચાલુ અવસર્પિણી કાળની ઐતિહાસિક ઘટનાઓનું શૃંખલાબદ્ધ વર્ણન કરવા ઉપરાંત ૨૪ તીર્થકરો, ૧૨ ચક્રવર્તીઓ, બળદેવ-વાસુદેવ, પ્રતિ વાસુદેવોનું નવક, ઈત્યાદિ ૬૩ મહાપુરૂષોના જીવનનું પ્રતિબિંબ આ નિર્યુક્તિમાં રજૂ કરવા ઉપરાંત ૬ આવશ્યકો પર અભુત વિવેચના કરવામાં આવી છે. શ્રી કલ્પસૂત્રના સૂત્રધાર પણ શ્રી ભદ્રબાહુસ્વામીજી જ હતા.
શ્રી સ્થૂલભદ્રજીએ દીક્ષા ગ્રહણ કર્યા બાદ શ્રીયક મગધની મંત્રી મુદ્રાનો માલિક બન્યો તો ખરો ! પણ એનું ચિત્ત સંસારમાં રહેવા રાજી
૪૨
૧૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦ મહારાજા ખારવેલ