________________
win કેડે કટારી, ખભે ઢાલ
કેડે કટારી, ખભે ઢાલ
ભુજનો કેડો જાય છે. ઝારાનું યુદ્ધ ખેલાઈ ગયું છે. લડવૈયાની ટાંચ પડી છે અને હથિયારની ખોટ છે. દારૂગોળાની અછત થવા લાગી છે.
દેશ પર લડાઈ નોતરી લાવનાર કચ્છના દીવાન પૂંજાને મહારાવે મીઠી-મીઠી વાતોમાં રાખ્યો છે. દીવાનપદ આપ્યું છે ને બીજે દિવસે હોટ મારી એ પદ આંચકી પણ લીધું છે.
દગાખોર સાથે વળી દોસ્તી શી ?
ભુજની ભરી બજારમાં દેશદ્રોહી પૂંજાને પગમાં બેડી અને હાથમાં કડી પહેરાવીને ફેરવ્યો. સહુ કહે છે કે એ જ લાગનો પંજો છે, એણે હજારો યવાસીઓના પ્રાણ લીધા છે.
ગામલોક ફિટકાર વરસાવતાં કહે છે, “ફટ અભાગીઓ, કાગડો પણ કાગડાની માટી ખાય નહીં, માલ વગરના મંત્રીપદ માટે તે કચ્છડો વેરાન કર્યો, કચ્છી વીરોને મોતને ઘાટ ઉતાર્યા, કચ્છી સ્ત્રીઓને વિધવા કરી “
સહુ કહે, “ દેશદ્રોહીને તો ગરદન મારવો જોઈએ."
પૂંજા દીવાનને જ્યારે ગરદન મારવા લઈ ચાલ્યા ત્યારે એણે કહ્યું, “ચેતતા રહેજો. સિંધનો ગુલામશાહ કચ્છને રોળીટોળી નાખશે. મને ગરદન મારીને તમે સુખે રહેવાના નથી. ગમે તેવો તોય હું સારો છું.” કચ્છી વીરો બોલ્યા, “એ તો લાખ ભેગા સવા લાખ. દેશના 12 દુશ્મનને ભરી પીશું.”
