________________
નિમકહલાલ છચ્છરે જોયું કે કોઈ પણ ભોગે આ ખૂનખરાબામાંથી છટકવું જોઈએ અને પોતાના માલિકના બાળકને બચાવવો જોઈએ.
બાળક બચશે, તો ભવિષ્યમાં રાજને રાજા મળશે. એ ચોતરફ તલવાર વીંઝતો માર્ગ કરવા લાગ્યો. તક મળતાં જ એ ચાલતી લડાઈએ છટકી ગયો. છચ્છર મચ્છર બની અલોપ થઈ ગયો.
છચ્છર પોતાના રાજમાં પાછો આવ્યો. એને થયું કે મારે કોઈ પણ રીતે રાજકુંવરોને બચાવવા જોઈએ. જો એમને બચાવી શકીશ નહીં, તો મારા માલિકના વંશનો નાશ થશે. એટલું જ નહીં પછી મારા વહાલા વતનનું શું થશે ? રાજકુંવરો એમની માસીને ઘેર હતા.
ઇચ્છર બુટ્ટો ગામમાં આવી, તરત જ રાજકુમારોની માસીના ઘર ભણી દોડ્યો. આ પહેલાં જામ રાવળના માણસો અહીં પહોંચી ગયા હતા. તેઓ ચારે બાજુ ચાંપતી નજર રાખતા હતા. રખે ! કોઈ ઘરમાંથી છટકી જાય નહીં !
જામ હમીરજીને બે દીકરા. એક અગિયાર વર્ષનો ખેંગારજી. બીજો નવ વર્ષનો સાહેબજી. આ બંનેને લઈ ઈચ્છર છુપે રસ્તેથી બહાર નીકળી ગયો.
છચ્છર નાઠો. જંગલમાં આવીને ઊભો રહ્યો. બે રાજકુમારો અને ત્રીજો પોતે. એમ ત્રણે જણાએ વેશ બદલ્યા. જામ રાવળના માણસોને થાપ પર થાપ આપી, આંખમાં ધૂળ નાખી નાસી છૂટ્યા, પણ હજી માથે ભય તો ઝઝૂમતો જ હતો.
જામ રાવળના કેટલાક સિપાઈઓ છચ્છરનું પગલે પગલું દબાવતા ફે પીછો કરી રહ્યા હતા. ઠેરઠેર ચોકી ગોઠવાઈ ગઈ હતી, અંગત માણસોને શું છૂપા વેશે રાજકુંવરોની તલાશી માટે રવાના કર્યા હતા. જામ હમીરજીનો વંશ તો શું, પણ એના ઘરનું ચકલું મળે, તોપણ કતલ કરી નાખવાનો હુકમ હતો.
છચ્છરને માટે દિવસો ભયંકર હતા. રાત્રીઓ એથી પણ વધુ
8 કેડે કટારી, ખભે ઢાલ
