________________
માનો, માંજોઠા જાતિનો છત્તો મેહાર અને મારડો એમ ત્રણ સેવકરનો આપ્યા.
હમીર સુમરો સિંધમાં આવ્યો. પણ હાલ સમાના એકે દીકરાએ પોતાના લગ્નમાં ભાગ લીધો ન હતો, એ વાત એના મનમાં ખટકતી હતી. એણે હાલા સમાને સંદેશો મોકલ્યો કે એમની પુત્રી એકાએક સખત બીમાર પડી છે, માટે પળનોય વિલંબ કર્યા વિના આવી પહોંચો.
હાલા સમા તો સમાચાર મળતાં જ પવનવેગી સાંઢણી પર સવાર થઈને દોડી આવ્યા. પણ આવીને જોયું તો પોતાની પુત્રીને કશું થયું ન હતું. એ તો સાજી-તાજી હતી.
હાલા સમા રાજદરબારમાં ગયા. અહીં હમીર સુમરો તો રાહ જોઈને જ બેઠો હતો કે ક્યારે હાલા સમા આવે અને ક્યારે ભરદરબારમાં એમનું અપમાન કરું.
હાલા સમાને એમના પુત્રો વિશે હમીર સુમરાએ કુવેણ કહ્યાં. દીકરા તો રતન છે, એ વાત બાપ જાણતો હતો અને માનતો હતો. એણે ગુસ્સે થઈને દીકરાઓનો બચાવ કર્યો : પણ હાલની સ્થિતિ બિલાડીના દરબારમાં ઉંદર જેવી હતી.
હમીર જાણતો હતો કે છંછેડાયેલો કચ્છી વીર કેટલો ખતરનાક હોય છે ! એને છુટ્ટો મૂકવો એટલે પૂરું જાનનું જોખમ. આથી એણે હાલા સમાને કેદ કર્યો.
હાલા સમાની હાલતના ખબર હીંગોરજીને મળ્યા. એ પોતાના ભાઈઓ સાથે મોટી સેના લઈને સિંધના મેમાતુર નગરને ખેદાનમેદાન કરવા નીકળી પડ્યો. બાપના અપમાનનું દીકરાઓને વેર લેવું હતું.
સામે મેમાતુર નગર નજરે પડતું હતું. હીંગોરજી બમણા વેગે એ તરફ ધસતો હતો. નગરની સીમ આવી. જોયું તો સીમમાં ગાયો, ભેંસો અને ઊંટોની ઓથી પડી હતી. હીંગોરજીએ એક રખેવાળને પૂછ્યું કે આ ઓથો કોની છે, તો ખબર મળી કે એ હમીર સુમરાની ઓથો હતી.
હીંગોરજી હમીર સુમરા પર ઘા કરવાનું ચૂકે એવો માનવી ન હતો. આખી સેના ઊભી રાખી. ઓથોના સરદાર પર હુમલો કરીને ઓથો 79
છત્તો મેહાર D
