________________
ભાગની ત્રણ મૂર્તિઓ
કચ્છના પંથકમાં હાહાકાર મચી ગયો. કચ્છવાસીઓ તમામ કાળો કકળાટ કરી રહ્યાં. અરે ! આવો તે દગોફટકો હોય ? આવો તે વિશ્વાસઘાત હોય?
વાત એવી બની હતી કે જામ રાવળે દગાથી જામ હમીરજીનું ખૂન કર્યું હતું. ખૂન તો થયું, રજપૂતને મોતનો ભય નથી હોતો; પણ આ તો ભરોંસો આપીને ભીંત પાડી.
માતા આશાપુરી જાડેજાનાં કુળદેવી. એમની સામે જામ રાવળે છાતી પર હાથ મૂકી પ્રતિજ્ઞા લીધી કે જામ હમીરજી મળવા આવશે, તો એને ઊની આંચ નહીં આવવા દઉં. એને આંચ આવે તો આ જીવના સોગન.
આ પ્રતિજ્ઞા લેનાર જામ રાવળ જામ હમીરજીનું ખૂન કર્યું !
જામ રાવળે પ્રતિજ્ઞા લેતી વખતે ભેટમાં ચકલી રાખી હતી. છાતી પર હાથ મૂકવાને બદલે એણે પેલી ચકલી પર હાથ મૂકી કહ્યું હતું કે આ જીવના સોગન.
આમ જીવના સોગન એટલે પેલી ચકલીના સોગન ! જામ હમીરજીનું ખૂન થયું એટલે એના સાથીઓ પર જામ રાવળની સેના પર તૂટી પડ્યા. ? જામ રાવળનો હુકમ હતો કે જામ હમીરજીનો એક માણસ શું, નાનું બાળ પણ ન બચવું જોઈએ.
આ વખતે હમીરજીનો એક સેવક છચ્છર બુટ્ટો સાચો સ્વામિભક્ત હતો. આ વખતે એ એમની સાથે હતો.
ત્યાગની ત્રણ મૂર્તિઓ
